Hvað segir umboðsmaður barna nú?

Umboðsmaður barna fetti fingur út í það um daginn að foreldrar tækju börn sín með sér á Austurvöll til þess að mótmæla aðgerðalítilli og vanhæfri ríkisstjórn. Það er að vísu óskiljanleg afskiptasemi af hálfu umboðsmannsins og segir margt um sérkennilegan hugarheim barngæskunnar á þeirri ágætu umboðsskrifstofu, sem mætti að vísu að skaðlausu loka, ásamt Þjóðmenningarhúsi, Jafnréttisstofu og Lýðheilsustöð á meðan mestu efnahagsþrengingarnar ganga yfir.

En hvað segir þessi sami umboðsmaður nú þegar leikskólabörn eru misnotuð í pólitískum tilgangi í stórum stíl og látin þramma um bæinn og biðja um frið í þessum heimi. Væri ekki nær að fræða þau um hina raunverulegu friðarspilla þessa heims? Hver annars heimilar svona misnotkun? Voru foreldrar barnanna spurð eða yfirleitt höfð með í ráðum?

Börn boða frið

Athugasemdir

[Ragnhildur Kolka, 13.10.2010 kl. 15:20]

Foreldrar barnanna eru flestir aldir upp á leikskólum og vita því ekki betur.

[Gústaf Níelsson, 13.10.2010 kl. 15:59]

Það er kannski meinið Ragnhildur, en maður óttast að þetta sé aðeins upphafið á misnotkun barna í svokölluðum "góðum tilgangi", því hver vill vera á móti friði og friðarboðskap? Að mínu viti er hér á ferðinni gróf pólitísk misnotkun barna undir formerkjum friðar og ég vil fá aðvita hver skipulagði uppákomuna og hver heimilaði herlegheitin.

[Agnes Ósk Þorgrímsdóttir (IP-tala skráð) 13.10.2010 kl. 16:42]

Hefði nú haldið að friðarganga væri eimmitt ekki pólítísk, ég sé hvergi minnst á að krakkarnir hafi verið með pólutískan áráður á kröfuspjöldunum, það er ekki pólitík að heimta frið. Það er almenn skynsemi, get ekki séð að það sé neitt verið að níðast á rétti barnana.

[Gústaf Níelsson, 13.10.2010 kl. 16:59]

Í daglega amstrinu, Agnes Ósk, hjálpar það auðvitað mörgum að vera pólitískt blindir, falla fyrir fagurgala og láta misnota góðvilja sinn. Ef þú vilt fylla þann flokk nytsamra sakleysingja máttu það mér að meinalausu. Þú er væntanlega af barnsaldri. En barn í sakleysi sínu ber ekki skynbragð á það þegar það er notað í pólitískum tilgangi. En hægt er að gera þá kröfu að foreldrar sjái í gegnum vitleysuna.

[Jóhanna Magnúsdóttir, 13.10.2010 kl. 20:14]

Hver vill ekki frið? 

[Gústaf Níelsson, 13.10.2010 kl. 20:27]

Góð spurning Jóhanna. Þekkir þú einhverja?