Eftirmann hvað?

Það er alveg ástæðulaust fyrir sjálfstæðismenn að láta andstæðinga flokksins ákveða hver gegnir embætti bæjarstjóra í Kópavogi. Gunnar Birgisson er bæjarstjóri, og vilji framsóknarmenn að einhver annar en hann gegni starfinu, þá skulu þeir bara mynda nýjan meirihluta með öðrum en Sjálfstæðisflokknum. Verði þeim að góðu.

Fundað um eftirmann Gunnars

Athugasemdir

[Guðmundur Pétursson, 14.6.2009 kl. 13:58]

Það er merkilegt að lesa leiðara Mbl. í gær.   Þar er gert lítið úr þessari minniháttar yfirsjón Gunnars að láta dóttur sína  njóta þess  að hann sé bæjarstjóri.   Sjálfstæðisflokkurinn  lætur ekki að sér hæða þegar spilling er annars vegar.   Flokkurinn er svo rotinn að innann að þar bera menn ekki skynbragð á  það  hvað er spilling og hvað er ólöglegt.  Núna situr einn dæmdur þjófur fyrir flokkinn á þingi.  Hvað ætili sitji margir ódæmdir þjófar fyrir flokkinn á þingi?  Það er mjög mikilvægt að halda þessum grímulausa  spillingarflokki frá völdum sem lengst.  Annars á Ísland sér ekki viðreisnar von.

[Gústaf Níelsson, 14.6.2009 kl. 14:04]

Ágæti Guðmundur. Mig rekur ekki minni til þess að Samfylkingin hafi skilað milljónatugunum sem fengust í styrki frá Landsbanka, Baugi og tengdum aðilum? Það er Sjálfstæðisflokkurinn þó að gera, að veikum mætti. Þér fer illa að tala um ódæmda þjófa og rotin innanmein. Íslands viðreisnarvon er ekki fólgin í fólki eins og þér, greinilega.

[Sigurður (IP-tala skráð) 14.6.2009 kl. 14:32]

Gústaf,

Að kalla þetta að endurgreiða, þegar hvorki á að greiða vexti né verðbætur er hrein blekking og lýgi.

Það er ekki verið að skila nema hluta uppphæðarinnar til baka, þvert á yfirlísingar mútuþegana að þeir myndu skila fénu.

[Óðinn Þórisson, 14.6.2009 kl. 15:19]

Ég er ekki sáttur frekar en þú Gústaf við það að Gunnar víki úr stóli bæjarstjóra en því miður verður ekki hjá því komist.

Ég vil frekar að Sjálfstæðismaður taki við bæjarstjórastólnum af Gunnari en oddviti Samfylkingarinnar.

[Gústaf Níelsson, 14.6.2009 kl. 15:38]

Á Sigurð þarf ekki að eyða orðum, slíkur endemis endaskiptamaður er hann. Kannski voru greiðslur til Sf bara í góðgerðarskyni, eða hvað? Sf var slíkur aumingi að endurgreiða ekkert, og látum þá vexti og verðbætur liggja á milli hluta.

Óðinn, sjálfstæðismenn eiga ekki að láta andstæðinga sína ákveða hver leiðir flokkinn, hvar og hvernig. Það gerum við flokksmennirnir. Alla menn er hægt að tortryggja og leggja í einelti, og enginn dauðlegur maður er fullkominn. Heldurðu að andstæðingar Gunnars Birgisssonar leggist á bæn á kvöldin og óski þess heitast að vera ekki eins og hann? Ég held að því sé öfugt farið!!

[Guðbrandur Þór Bragason (IP-tala skráð) 14.6.2009 kl. 16:12]

Skemmtilegt, Guðmundur Pétursson talar um spillingu Sjálfstæðismanna og þú svara með því að segja að Samfylkingin sé spillt. Hvað kemur spilling Samfylkingar spillingu sjálfstæðisflokksins við?

[Árni Gunnarsson, 14.6.2009 kl. 21:18]

Já það er nú meira hvernig alltaf er verið að jagast í sjálfstæðismönnum. Ætli sálartetrin þeirra þoli nú mikið þessa dagana ofan á þessa endalausu forvitni norsku kellíngarinnar sem virðist alltaf vera að versna? Ég bara veit ekki hvar þetta áreiti ætlar að lenda. Það er eins og fólki sé bara ekkert heilagt lengur.

[Guðmundur Pétursson, 14.6.2009 kl. 21:28]

Spillingin er að sjálfsögðu ekki bundinn við Sjálfstæðisflokkinn,  en fáir flokkar komast með tærnar þar sem hann er með hælana í þessum efnum nema ef vera skildi Framskókn.  Vill benda á áhugaverða grein eftir Hallgrím Magnússon lækni, í mogganum í dag þar sem hann fjallar um þetta þjóðarmein sem spillingin er.

[Ragnhildur Kolka, 15.6.2009 kl. 16:44]

Innilega sammála þér, Gústaf. Það er sjálfstæðismanna að ákveða hver bæjarstjóri þeirra er. Framsókn getur leitað á önnur mið, en þá hljóta þeir að þurfa að útskýra viðskiptin við dóttur Gunnars á meðan þeir vermdu bæjarstjórastólinn.

Hansína telur sig stikkfrí en hún stýrði afmælisnefnd, sem gekk ekki eftir verklokum á samningi, auk þess sem hún var bæjarstjóri eftir andlát Sigurðar Geirdal.