Fórnir hvað?

Það er rétt hjá Jóhönnu, að ég er reiður, eiginlega fokillur, og ég er ekki reiðubúinn til þess að greiða skuldir óreiðumanna, eins og fyrrverandi seðlabankastjóri orðaði það svo eftirminnilega, en fékk að ósekju bágt fyrir. Fórnin sem ég skal færa er aðeins sú að lánadrottnar hirða eignir bankanna, svo langt sem þær ná, en ekki krónu umfram. Íslendingar eiga ekki að gjalda fyrir græðgissamband íslenskra einkabanka og  erlendra viðskiptamanna þeirra.

Jóhönnu hefði verið nær að skoða endinn í upphafinu, áður en samninganefndin var skipuð, sem kom með þá niðurstöðu, sem nú stendur rækilega í kokinu á ríkisstjórninni og það svo kirfilega að hún kann að kafna. Ríkisstjórnin situr auðvitað uppi með samningsniðurstöðurnar og getur ekkert kjaftað sig frá þeim, eins og Jóhanna er nú að reyna með greinarskrifum í  útlöndum.

Og vel á minnst. Hvar birtir Jóhanna grein sína á íslensku? Og kynnti ríkisstjórnin samningsniðurstöðuna fyrir þingflokkum sínum, þegar lokahönd hafði verið lögð á samninginn af Íslands hálfu?

 

Jóhanna á vef Financial Times

Athugasemdir

[Vilhjálmur Örn Vilhjálmsson, 13.8.2009 kl. 23:16]

Flugfreyjan fórnar fjörtíu fjármálasvindlurum sem störfuðu á Bretlandseyjum.

[Gústaf Níelsson, 13.8.2009 kl. 23:19]

Og hverjir skyldu það nú vera?

[brahim, 14.8.2009 kl. 02:31]

Hvað er þetta Gústaf...ertu ekki kristin...þannig að þú hlýtur að hafa fyrirgefninguna og kærleikann í farteski þínu...þó vöntun hafi verið á því gagnvart Írökunum í kirkjunni í Köpen.