Leita í fréttum mbl.is

Vanhæf ríkisstjórn víki

Ólafi Ragnari hefur tekist að setja allan vinstrivæng stjórnmálanna í uppnám og á nú enga vini lengur. Þeir sem skrifuðu undir áskorun Indefencehópsins til forsetans um að hafna Icesave-lögunum voru að stofni til stjórnarandstæðingar og engir aðdáendur Ólafs Ragnars. Þeir hlægja sig nú máttlausa yfir einfeldningshætti forsetans, að undirrita ekki lögin, vegna þess að ríkisstjórnin, sem hann sjálfur var aldeilis ekki óhress með að skyldi takast að mynda, verður nú að segja af sér fyrir vikið. Það má vera til marks um mikla valdafíkn Jóhönnu og Steingríms J, að leggja í þriðja sinn leið sína gegnum Icesave svipugöng Breta og Hollendinga. Þessi ríkisstjórn mun ekki koma neinum Icesave-samningi í gegnum þingið.

Ákvörðun forsetans kann þó að verða til þess að breið pólitísk samstaða myndist í landinu um það að breyta þessu óljósa vandræðaákvæði 26. greinar stjórnarskrárinnar. Hvaða ríkisstjórn framtíðarinnar vill eiga yfir höfði sér annan eins einleikara á Bessastöðum?

Þá er bara að hafa snör handtök, rjúfa þing og boða til kosninga við fyrsta tækifæri, helst á meðan snillingur Bessastaðavaldsins situr á hljóðskrafi við vini sína, sem stjórna landi sem á sér fleiri fátæklinga en nokkurt annað ríki. Ella gæti önnur óbærileg leiksýning hafist.


mbl.is Endurreisnaráætlun í uppnám
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

"Rjúfa þing og boða til kosninga" ??

Þetta er afraksturinn af síðasta "Rjúfa þing og boða til kosninga"
Verði þér að góðu !

Einar (IP-tala skráð) 5.1.2010 kl. 14:09

2 identicon

Forveranrir D og B voru enn meira vanhæfir. Viltu fá þann skít yfir okkur aftur?

Óli (IP-tala skráð) 5.1.2010 kl. 14:20

3 Smámynd: Gústaf Níelsson

Já drengir þetta er best í stöðunni og í leiðinni ætti að breyta 26. grein stjórnarskrárinnar svo að fíflaganginum linni hjá þessum stjórnmáladverg, sem heldur að hann sé risi.

Gústaf Níelsson, 5.1.2010 kl. 14:26

4 identicon

Óli ekki sleppa essinu.

axel (IP-tala skráð) 5.1.2010 kl. 15:08

5 identicon

Eru þetta ekki allt sömu vitleysingarnir .. bara í sitthvorum stólnum? Það þarf að fara að kjósa fólk en ekki flokka!

Ásta (IP-tala skráð) 5.1.2010 kl. 15:13

6 identicon

Það er sorglegt að sjá gjörtaparana haga sér á bloggvettvanginum eins og þau þokkahjú í Stjórnarráðinu á blaðamannafundinum í hádeginu.  Önnur eins gremja út í forsetann og 70% atkvæðabærra landsmanna.  Þau litu út eins og í leikgervi Grýlu og Leppalúða í gremjugrettum sínum í grínverki.  Gat ekki annað en hlegið.  Þar var augljóslega ekki áhugi að reyna að vinna úr lýðræðiskröfu 70% atkvæðabærra landsmann, forsetans og 4 stjórnarþingmanna.  Auðvitað eiga þau að hundskast burt.  Enda hafa þau aðeins rétt rúmlega helming kjósenda sinna á bak við þau sem leikmenn í vitlausu liði Breta og Hollendinga.  Útburðarvæl klappstýranna þeirra er sem lítið ýlfur sem fáir taka eftir. 

Guðmundur 2. Gunnarsson (IP-tala skráð) 5.1.2010 kl. 15:15

7 Smámynd: Gústaf Níelsson

Ásta mín. Á Bessastaði kjósum við fólk en ekki flokka og sjáðu hvað við höfum fengið.

Gústaf Níelsson, 5.1.2010 kl. 15:17

8 Smámynd: Gústaf Níelsson

Guðmundur minn, hvernig myndir þú "vinna úr lýðræðiskröfu 70%atkvæðabærra landsmanna...", eins og þú orðar það? Um hvað á að spyrja? Eru ekki gömlu Icesavelögin nr.96/2009 enn í gildi? Þetta er allt ein hringavitleysa og Ólafi Ragnari hefur tekist að koma á stjórnarkreppu. Og ekki syrgi ég ríkisstjórn Jóhönnu Sig. og Steingríms J. og vonandi fer Bessastaðaflónið ekki að reyna að leika aðalhlutverkið í stjórnarkreppuleiknum, sem framundan er.

Gústaf Níelsson, 5.1.2010 kl. 15:24

9 identicon

Það má klárlega spyrja hvort þessi samningur er ásættanlegur, enda það eina sem er í boði.  Annars ef mótsemjendur segja ok þá viljum við þann fyrri, þá er ekki ósennilegt að svo verði að vera, enda mun hann vera í gildi ef og þegar stjórnvöld fella þennan niður.  Að kjósa um þann nýja tefur væntanlega ferlið verulega og niðurstaðan virðist klár hvað stjórnvöld og þeirra skoðanafólk áhrærir.  2 mánuður segja einhverjir.  Það væri hægt að túlka stöðuna núna sem að hann eigi afar litlar líkur að verða samþykktur, og stjórnvöld dragi þá lögin til baka eins og í fjölmiðlafrumvarpinu.  Vandamálið er ekki bara okkar, heldur Breta og Hollendinga líka.  Þeir eiga þann kost að leita réttar sín fyrir Héraðsdómi Reykjavíkur, eða bjóðast til að setjast niður gagnvart nýrri samninganefnd og sáttasemjara.  Einnig er hægt að leita til hlutlaus gerðadóms.  Ef Steingrímur og Jóhanna telja sig vera með málið á tæru, þá halda þau áfram í þessu ping - pong leik sínum.  Semja tóma steypu og þjóðin fær væntanlega að kjósa.  Ef það verður samið þá stendur væntanlega niðurstaða forsetans.  Annars endurtekur sama atburðarrás.  Ábyrgð ríkisstjórnarinnar er alger og ein á þessari niðurstöðu.  Þegar fyrirvarasamningurinn var samþykktur í sumar, þá fullyrtu Jóhanna og Steingrímur að fyrirvararnir rúmuðust algerlega innan þess "glæsileg".  Það voru enn einar lygarnar, og eftir það fóru þau enn einu sinni á stað með sóló og óheilyndi sem leiddi af sér þessa niðurstöðu.  Sjálfsagt og vonandi vilja Bretar og Hollendingar ekkert gera í málinu fyrr en ómerkingarnir eru ekki lengur þátttakendur í að leysa það.  Skil ekki þessa hræðslu margar að við verðum tekin og rústað af Bretum og Hollendingum vegna þessa.

Guðmundur 2. Gunnarsson (IP-tala skráð) 5.1.2010 kl. 16:11

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gústaf Níelsson
Gústaf Níelsson
Er andvígur hvers kyns gervilýðræði og lýðskrumi stjórnmálamanna, óháð flokkum.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband