Leita í fréttum mbl.is

Viðundrið Ísland

Það er ekki ofsögum sagt að Ísland gerði sig að viðundri heimsins um alla fjármálastarfsemi. Að oflátungshætti sveitakallanna og kellinganna er hlegið um allan heiminn. En trúðurinn kann sér ekkert hóf, veit ekki hvenær á að hætta fíflalátunum. Þar sem útrásarösnunum sleppti, tók hin hreina vinstristjórn við. Og hún virðist ætla að setja heimsmet í því, sem engri annari vestrænni lýðræðisþjóð, sem kennir sig við mannréttindi og réttarríki, kemur til hugar að gera, að setja lög sem augljóslega brjóta í bága við stjórnarskránna. Hinni hreinu vinstristjórn dettur í hug að banna ungmennum undir átján ára aldri að leggjast á ljósabekk, sér til heilsubótar (foreldrunum er ekki einu sinni treyst til að stjórna þessu). Getur stjórnin ekki alveg eins sett lög um mataræði ungmenna? Þau hafa mörg orðið offitupúkanum að bráð, eða þá lög um mataræði fólks almennt? Nógu dýrt er að reka þetta heilbrigðiskerfi samt, þótt þessum sjálfskaparvítisfitubollum sé nú ekki bætt á útgjaldahliðina.

Man einhver eftir vestrænu lýðræðisríki sem kennir sig við atvinnufrelsi, mannréttindi, umburðarlyndi og réttarríki, sem hefur bannað nektardans? Jú Ísland (eigum við kannski að kalla landið Afganistan norðursins?) Og hvar voru gæslumenn frelsisins þegar sú löggjöf gekk eftir á hinu háa alþingi? Eru þeir aðeins sendiboðar ímyndaðs almenningsálits í stað þess að vera fulltrúar frelsisins? Haldi rök bannkellinganna, Sifjar Friðleifsdóttur, Steinunnar Valdísar o.fl.um sorann, helsið, mansalið og skipulögðu glæpastarfsemina, sem þær kenna nekt kvenna, væri auðvitað búið að banna konum um allan heim að hátta sig gegn greiðslu.

Hvað verður það næst? En gott er að vita af dómstólum sem geta látið til sín taka þegar dómgreind stjórnmálamanna brestur. Þrískipting ríkisvaldsins var ekki fundinn upp af ástæðulausu.


mbl.is Alþingi bannar nektardans
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Er þetta mál númer eitt hjá þjóð í vanda?

axel (IP-tala skráð) 23.3.2010 kl. 22:11

2 identicon

Það var að berast
fréttatilkynning. Vinstri grænir leggjast alfarið gegn eldgosi á
Fimmvörðuhálsi, enda sé svæðið vinsælt hjá ferðamönnum. VG vilja ekki
sjá neitt brölt hjá náttúruöflunum, sem ekki hefur farið í umhverfismat
og þarf að bíða eftir mati áður en gos er heimilt...

Ásgeir Gunnarsson (IP-tala skráð) 23.3.2010 kl. 22:19

3 Smámynd: Gústaf Níelsson

Ég hefði nú ekki haldið það. En hvar voru hetjur lýðræðisins þegar talibaníska bannið við nekt kvenna var sett? Þær létu sig hverfa úr þingsalnum, nema Árni Johnsen og Ragnheiður Elín. Gæslumenn hins frjálsa þjóðfélags gufuðu upp. Sjálfstæðisflokkurinn þarf greinilega að huga að nýjum þingmannsefnum, sem taka að sér að vera fulltrúar almennings, en ekki sendiboðar fyrir ímyndað almenningsálit.

Gústaf Níelsson, 23.3.2010 kl. 22:19

4 Smámynd: GunniS

nei þetta ætti ekki að vera mál nr 1 eins og staðan er í dag. en hitt er svo annað mál að ég fagna þessu, þetta þýðir að maður getur álpast inni á skemmtistað án þess að einhverjar stelpur svífi á mann, þvílíkt ágengar og fari fram á að maður borgi þeim fyrir kampavín og spjall  og á pakkinn að kosta frá 5 þús og uppúr. svo halda þær þessu áfram endalaust - sem segir manni sennilega að strippstaðir séu aðeins fyrir vel efnaða einstaklinga, en ég flokka svona lagað aðeins undir undirbeltis blokk og verið að ræna menn nánast inni á þessum stöðum.

GunniS, 23.3.2010 kl. 23:21

5 Smámynd: Ásdís Helga Jóhannesdóttir

Held það sé nú í góðu lagi að hafa aldurstakmörk á ljósanotkun eins og á tóbak og brennivín. Þetta þrennt á það sameiginlegt að vera hættulegt heilsunni. Held að það sé nú bara búið að sýna það og sanna að eina sem virkar er forræðishyggjan eftir að Sjálfstæðisflokkurinn og Framsókn leyfðu endalaust frelsi þar til að Ísland fór á hausinn.

Ásdís Helga Jóhannesdóttir, 24.3.2010 kl. 00:29

6 Smámynd: Gústaf Níelsson

Viltu ekki bara fá í hendur Ríkishandbók um lifnaðarhætti og lífsstíl frá þessu ágæta bannfólki úr öllum stjórnmálaflokkum Gunni minn? Þar væri ábyggilega að finna leiðbeiningar um hvernig forðast skal ágengan kvenpening og hvaða skúmaskot mannlífsins ber að varast, ef ekki væri þegar búið að loka þeim og banna.

Þar sem Ásdís Helga hefur tröllatrú á forræðishyggju væri ekki ráð að hún flytti til landa eins og Saudi-Arabíu og Afganistan svo dæmi sé nú tekið, og segði okkur hinum svo frá öllum dásemdum forræðishyggjunna?

Gústaf Níelsson, 24.3.2010 kl. 11:37

7 identicon

Tek undir með Gústafi, það sem þau reyna næst verður að banna allt sem getur talist hættulegt fyrir heilsuna t.d. franskar og kokteilsósa, skyndibitar, nammi, gos, bílar og mótorhjól, fjallgöngur og jeppaferðir og kráarrölt svo einhver dæmi séu tekin.

Ólafur Björn Thoroddsen (IP-tala skráð) 24.3.2010 kl. 12:12

8 Smámynd: GunniS

allavega eru frönsku kartöflurnar ekki í vinnu við það að nudda sér upp við fólk og fá það til að borga fyrir kampavín og spjall, og mér finnst að fólk sem vinnur inni á strippstöðum ætti að finna sér venjulega vinnu, vinnu þar sem það þarf ekki að tæla náungan upp úr skónum til að eiga fyrir lifibrauði.

GunniS, 24.3.2010 kl. 15:25

9 Smámynd: Gústaf Níelsson

Gunni minn. Án þess að ég fletti upp í Ríkishandbókinni um lifnaðarhætti og lífsstíl vil ég bara ráðleggja þér á að vera ekki að koma þér í aðstæður sem þú getur ekki ráðið fram úr. Þú getur ekki alltaf haft Stóru Mömmu til að halda í höndina á þér hvert sem þú ferð. Þú verður aldrei siðferðisleg vera ef þú lærir ekki að greina á milli góðs og ills (og það er ekki alltaf auðvelt), en ætlist þess í stað að ríkið taki fyrir þig siðferðislegar ákvarðanir. Þá breytumst við bara í siðferðislega kálhausa. Ekki rétt?

Gústaf Níelsson, 24.3.2010 kl. 16:05

10 Smámynd: GunniS

Gústi, það er voðalega erfitt að gefa af eða á í þessari umræðu. menn fóru að lifa saman í hópum því þannig gátu þeir betur varist rándýrum, seinna urðu þessir hópar að samafélögum, og mér finnst að samfélög eigi að halda því áfram að verja einstaklinga gegn óæskilegum áhrifum eða hættum, ég veit að útrásarvíkingarnir skilja alls ekki hvað það að búa í samfélagi gengur út á, því þeir gerðu allt til að komast hjá því að borga til samfélagsins í formi skatta.

Það er spurning hvort menn séu orðnir of góðu vanir og séu orðnir kálhausar og viti ekki hvað þeir hafa, eins og þú talar um. ég tel það sé hins vegar ekki framför ef við hættum að velta fyrir okkur öryggi náungans, og hugsum bara um eigin rass. 

GunniS, 24.3.2010 kl. 17:57

11 Smámynd: Gústaf Níelsson

Gunni minn. Það hefur eitthvað farið úrskeiðis með stundatöfluna hjá þér. Menn fóru ekki að lifa í hópum, eins og þú nefnir það til þess að verjast rándýrum. Þeir mynduðu samfélag, urðu siðmenntaðir, í margvíslegum tilgangi. Líka varnartilgangi. En maðurinn er ekki hjarðdýr og er löngu hættur að hafa fengitíma, hann er nú viðvarandi. Og auðvitað gætum við bræðra okkar (og systra), en við þurfum ekki að búa til barnapíuþjóðfélag. Ertu að ná þessu?

Gústaf Níelsson, 24.3.2010 kl. 20:27

12 Smámynd: GunniS

ertu þá ekki fylgjandi því að leifa sölu eiturlyfja líka ? viltu kannski líka leifa aftur verslun með fólk ? eða jafnvel þrælaviðskipti ? eða innleiða anarkistma sem leið til að stjórna landinu  ?

GunniS, 24.3.2010 kl. 20:56

13 Smámynd: Gústaf Níelsson

Jæja Gunni minn. Vill einhver kaupa eitur sem sumir kalla lyf. Þú átt sjálfsagt við svokallaða ólöglega vímugjafa? Er það ekki? Nú er úr vöndu að ráða, en ég er viss um það að leita þarf nýrra úrræða, því ekki náum við utanum vandann, eins og sagt er stundum. Sýnist þér það ekki? Að minni hyggju eiga öll mannlegt samskipti að vera í ljósinu (þetta er stundum kallað uppi á borðum, það er vinsælt hjá stjórnmálamönnunum - þeir nota líka stundum orðið gagnsæi, þú þekkir hræsnina, er það ekki?) En má ég ekki kaupa það sem ég vil, af öðrum sem vill selja mér? Er ég nokkuð að skaða samfélagið með slíkri háttsemi? Til dæmis ef kona vill selja mér svolítið poterí; er það nokkuð á vegum stjórnmálanna eða löggjafans? Og vel á minnst, þrælahald er löngu aflagt, og stjórnleysi er ekki aðferð til landstjórnar. Vonandi heldurðu það ekki.

Gústaf Níelsson, 24.3.2010 kl. 22:45

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gústaf Níelsson
Gústaf Níelsson
Er andvígur hvers kyns gervilýðræði og lýðskrumi stjórnmálamanna, óháð flokkum.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband