Leita í fréttum mbl.is

Brandarakallinn Jalil.

Eftir að evrópskir skattgreiðendur hafa tekið að sér að koma hryðjuverka- og ógnarstjórnarmanninum Gaddafi frá völdum með ærnum tilkostnaði, sprettur fram á sjónarsviðið leiðtogi þjóðarráðs Líbíu, Mustafa Abdel Jalil (sem er að vísu gamall bandamaður fyrri stjórnvalda) og segir okkur að nýtt hófsamt múslimaríki muni rísa á rústum Líbíu, byggt á sharíalögum. Fljótt á litið gæti maður haldið að maðurinn væri að spauga, en svo er alls ekki.

Þekkir einhver hófsamt múslimaríki byggt á sharíalögum? Sjálfum þykir mér hófsemi Tyrkjaveldis nútímans alveg á mörkunum, er það þó veraldlegt ríki í meginatriðum.

Skattgreiðendur Vesturlanda eiga ekki að taka í mál annað en að á rústum Líbíu Gaddafis, rísi veraldlegt ríki múslima, sem sækir fyrirmyndir að minnsta kosti til Tyrklands og hið sama þarf að gerast um svæðið frá Marokkó til Egyptalands.

Er við því að búast að stjórnmálaleiðtogar hins vestræna heims standist þá freistingu að vinna frekar fyrir hugsjónir frelsisins, en hagsmuni olíuauðjöfra? Reynslan kennir okkur að frelsishugsjónin er iðiulega borin ofurliði af sérhagsmunum.


mbl.is Segir Líbíu verða hófsamt múslimaríki
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Heill og sæll Gústaf; æfinlega !

Þakka má fyrir; reyndar, að Tyrkland skuli ekki vera komið lengra, til baka, til tíma Soldána- og Kalífa veldisins, fornvinur góður.

Hvar; þeir Erdogan og Gul, stefna leynt og ljóst, að upptöku Sharía óskapnaðarins - svo og náin tengsl þeirra, og aukin, við Saudi- Arabísku Konungsstjórnina, jafnframt - og Wahhabisma hennar.

Þó; er ég ekki úrkula vonar, að sterka menn megi enn finna, innan Hersins, þar eystra - sem gætu staðið Kenan Evren, og öðrum fylgismönnum, stefnu Kemals heitins Ataturk, nokkuð jafnfætis.

En; Norður- Afríka, mun verða okkur sama ráðgátan, sem hingað til, Gústaf, nema Berbneskum frumbyggjum vaxi svo ásmegin, að geta dregið úr Mekku stílbrigðum, hinna Arabísku landnáms manna, þar; um grundir - frá Máretaníu austur að Egyptalandi, að minnsta kosti. 

Með beztu kveðjum; sem jafnan, úr Árnesþingi /     

Óskar Helgi Helgason (IP-tala skráð) 24.10.2011 kl. 21:51

2 Smámynd: Óskar

Skattgreiðendur vesturlanda áttu aldrei að taka þátt i þessari vitleysu-- en það er ástæða fyrir öllu og hún er sú að Gaddafi vildi hætta olíuviðskiptum i dollurum.  Saddam hafði á sínum tíma reifað svipaða hugmynd.  Ætli það sé tilviljun að báðar þjóðirnar máttu þola hernaðaríhlutun vesturlanda í kjölfarið ?   Skattborgarar vesturlanda fá þetta til baka ef plönin ganga eftir því aðalplanið var að sjálfsögðu að ræna olíuauðlindum Líbýu eða allavega koma þeim í hendur manna sem væru þægir í taumi.

Óskar, 24.10.2011 kl. 22:17

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gústaf Níelsson
Gústaf Níelsson
Er andvígur hvers kyns gervilýðræði og lýðskrumi stjórnmálamanna, óháð flokkum.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband