Tæknilegar ábendingar. Hvað er það?

Jóhanna er á nálum. Er búinn að átta sig á því að Davíð Oddsson, seðlabankastjóri ætlar að halda henni upptekinni við brottreksturinn langleiðina framundir kosningar. Það er auðvitað að renna upp fyrir forsætisráðherranum, að hreinsanamentalítet nýrra valdhafa á Íslandi er ekki alveg í takti við venjur réttarríkisins og Alþjóðagjaldeyrissjóðurinn mun ekki gefa út heilbrigðisvottorð á hreinsanir. Hinar tæknilegu ábendingar geta vart snúist um annað. Eða hvað?

Vill ríkisstjórnin, í anda upplýsingar og gagnsæis, ekki upplýsa þjóðina um hinar tæknilegu ábendingar Alþjóðagjaldeyrissjóðsins???

Tæknilegar ábendingar í trúnaði

Athugasemdir

[Guðmundur Ásgeirsson, 9.2.2009 kl. 22:38]

Það væri ekki í fyrsta skipta sem IMF tjónkar upp á einhvern afdankaðan einræðisherra í enn einu banalýðveldinu!

[Gústaf Níelsson, 9.2.2009 kl. 23:47]

Maður lappar upp á og tjónkar við og engan einræðisherrann eigum við á Íslandi, en sjálfsagt marga í svokölluðum bananalýðveldum. Alþjóðagjaldeyrissjóðurinn á erfitt með að mismuna ríkjum, eftir kynþætti, litarhætti, kynferði, kynhneigð og stjórnarfari, jafnvel þótt full ástæða væri til.