Fasistaríki í mótun?

Öllum skal rutt úr vegi sem ríkisstjórninni er í nöp við. Frægt var þegar seðlabankastjórinn Davíð Oddsson var rekinn út starfi með lögum, án þess að hafa svo mikið sem andmælarétt. Tveir samstarfsmenn hans, sem helgað höfðu bankanum starfskrafta sína áratugum saman, fengu að fjúka í leiðinni. Aðgerðin var pólitískt gerræði, í reynd fasísk aðgerð, og skapaði slæmt fordæmi. Nú skal ríkissaksóknarinn Valtýr Sigurðsson fá að fjúka með lögum. Fordæmið er skelfilegt vegna þess að stjórnmálamenn ætla að leggja til atlögu við mann sem að lögum tilheyrir dómsvaldinu, sem er sá hluti ríkisvaldsins, sem þeir hafa ekkert með að gera. Fróðlegt verður að sjá hvort alþingi treystir sér til þess að láta Evu Joly stjórna sér.

Verði ríkissaksóknarinn settur af með lögum, hefur fasisminn haldið innreið sína í landsstjórnina. Fróðlegt verður að fylgjast með viðbrögðum nágrannaríkjanna við þessum ráðagerðum.

Ríkisstjórn styður Joly

Athugasemdir

[Krímer (IP-tala skráð) 11.6.2009 kl. 21:10]

Hæg breytileg átt eða hafgola, víða skýjað á landinu og súld með köflum N- og A-lands. Norðaustan 3-10 á morgun og birtir til V-lands, en annars skýjað og smáskúrir, einkum síðdegis. Hiti 5 til 15 stig, hlýjast S- og SV-lands.

[Jón Magnússon, 11.6.2009 kl. 22:42]

Yfirlýsing forsætisráðherra á Alþingi í dag var henni til mikillar skammar.  Því miður virðast stjórnendur þessa lands í dag ekki átta sig á hvaða reglur gilda um hæfi og vanhæfi. Í viðkvæmum málum eins og við rannsóknir mála og saksókn þá skiptir máli að hæfisreglur séu virtar en að sama skapi að fólk sé ekki svipt embættum sínum án tilefnis. 

En hvers er að vænta af Alþingi sem áttar sig ekki einu sinni á vanhæfisreglum varðandi eigin rannsóknarnefnd.