Veikar í viðtali

Illt er þegar fólk veikist og er frá vinnu í fáeina daga. Það hefur nú hent mæðgur, sem segja farir sínar ekki sléttar og mætti ráða af frétt mbl.is að lasleikann stafaði af slökum viðbúnaði heilbrigðisyfirvalda á Íslandi. Erfiðast þykir móðurinni að vera lasin heima og hugsa um enn veikari dóttur sína, samkvæmt fréttinni. Aumt er að enginn á vegum hins opinbera skuli nú ekki hafa getað litið til með mæðgunum í pestinni. Á þessu hlýtur að vera gerð bragarbót þegar pestin kemur með fullum þunga á landslýð með haustinu, ef spár ganga eftir.

Vonandi ná þær mæðgur hröðum bata, þótt ekki væri til annars en að vera vel upplagðar í viðtölum við fjölmiðlana. Er ekki rétt að ræsa út sumarleyfiskastljós vegna þessara óskapa?

Mæðgur fárveikar af svínaflensu

Athugasemdir

[Hrafna (IP-tala skráð) 15.7.2009 kl. 22:55]

Hmmmm  Ég hef nú oft fengið flensu og oftar en ekki hefur allt heimilið legið fárveikt, meira að segja við mæðgur.

Finnst nú fjölmiðlar vera aðeins of ákafir í að æsa upp eitthvað fár í kringum þessa flensu á tímum þegar best væri að halda ró sinni.

Fjölmiðlar geta valdið algjörum panikk í þjóðfélaginu ef þeir vilja með svona æsifréttamennsku.  Vonandi ná þeir að halda ró sinni.

Annars held ég að þessi flensa sé nú meira "fjölmiðlafár" heldur einhver ógurleg ógn við mannkynið.  Amk tókst fjölmiðlum að gera fuglaflensunni heldur hátt undir höfði þegar hún var sem mest í umræðunni.  Þekki marga sem kviðu framtíðinni þá og höfðu hamstrað sér mat og íhuguðu að loka sig af.  Ég kenni fjölmiðlum um svoleiðis paranoju.

[Eiríkur Sjóberg, 15.7.2009 kl. 23:10]

Gústa.  Þetta er skemmtilega að orði komist hjá þér.  Og auðvitað hárrétt!  ; )

[Gústaf Níelsson, 15.7.2009 kl. 23:12]

Þú hefur lög að mæla Hrafna. En fjölmiðlar þurfa að selja sig, ekki satt? En það er óþarft að breyta sér í ódýra portkonu.

[Ragnhildur Kolka, 15.7.2009 kl. 23:33]

Ögmundur hefur nú í hendi sér að koma atvinnuleysinu  í 2ja stafa tölu fyrir haustið ef hann bregst strax við áskoruninni.

[Ingi (IP-tala skráð) 16.7.2009 kl. 00:04]

That er sagt at salmonellan sé besti vinur bladamannsins í gúrkutíd.

[ThoR-E, 16.7.2009 kl. 07:20]

þær eru heppnar að fá hana núna, þær verða þá ónæmar þegar hún kemur hérna á fullum þunga.. jafnvel stökkbreytt.

mér líst ekkert á þetta... :/

[Valsól (IP-tala skráð) 16.7.2009 kl. 09:50]

Ef hálf þjóðin fær flensuna í haust eins og landlæknir segir, þá lamast allt samfélagið og heilbrigðiskerfið verður ekki í stakk búið til að sinna sjúkum. Miðað við þetta munu deyja allt að 300 manns í haust. Upplífgandi að ekki voru keypt flensulyf nema fyrir helminginn, verst að heilbrigðisyfirvöld vita ekki hvaða helming þau eiga að gefa lyfið. Yfirlæknir sóttvarna svaraði fréttamanni sjónvarpsins í gær engu um það hvaða hópar það væru sem væru áhættuhópar, manneskjan vissi það ekki. Samt sagði hún´áður en hún var spurð að lyfið yrði gefið áhættuhópum. Hvernig á þá að velja í þennan helming? Þetta er bara fáránlegt rugl að vera spara peninga með þessum hætti. Börn eru að deyja úr þessum fjanda, síðast sex ára gömul stúlka í Bretlandi.

[Hrafna (IP-tala skráð) 16.7.2009 kl. 13:03]

Anda inn anda út Valsól..!!  Svona paranoja hjálpar engum.