Er enn veik von fyrir Westan?

Ingibjörg Sólrún hefur gert Rice utanríkisráðherra grein fyrir stöðu fjármálakerfisins. Það er örugglega betra að gera það svona milliliðalaust, þótt bandaríska sendiráðið á Íslandi sé örugglega búið að senda vestur heilu greinargerðarbunkana um ástand og horfur á Íslandi. Það er bara ekki víst að rétta fólkið lesi stöffið.

Það er ágætt að ungfrú Rice lýsi áhyggjum og ætli að taka málið upp við aðra fulltrúa bandarískra stjórnvalda. Hún ætti kannski að fá Bush í lið með sér og tala við strákana í amríska Seðlabankanum. Vandinn er bara sá að útrásarvíkingarnir eru búnir að koma slíku óorði á land og þjóð, að allir líta á okkur sem efnahagslega holdsveikisjúklinga, sem best sé að halda sér sem lengst frá. Áratuga bandalags- og vináttubönd hafa trosnað eða algerlega slitnað. Hún er mikil ábyrgð þessara snillinga. Ég segi ekki meir

Rice og Ingibjörg ræddu saman

Athugasemdir

[Óskar Helgi Helgason (IP-tala skráð) 21.10.2008 kl. 20:40]

Heill og sæll; Gústaf, og þökk fyrir allt gamalt og gott !

Hvaða ''áhyggjur''; ættu bandarískir heimsvaldasinnar, að hafa af okkur ? Ingibjörg Sólrún Gísladóttir; ætti að skammast sín, og segja af sér, ásamt hinum amlóðunum, í þessarri liðleskjusveit Haarde ræksnisins. 

Svona fólk; hefði verið kallað mannleysur, í minni gömlu heimabyggð, Stokkseyri, þá ég ólst þar upp, á sjöunda áratug síðustu aldar, Gústaf minn.

Jafnvel; pjakkar, eins og Jón Gerreksson, hefði mátt njóta meiri virðingar, á sinni tíð, fremur en þessi fíflahjörð frjálshyggju og hégóma alls, í samtíma okkar ! 

Með beztu kveðjum; samt, úr Árnesþingi /

Óskar Helgi Helgason   

[Gústaf Níelsson, 21.10.2008 kl. 20:55]

Ja hérna hér Óskar Helgi. Þú skefur ekki utan af því.

[Óskar Helgi Helgason (IP-tala skráð) 21.10.2008 kl. 21:17]

Nei; Gústaf minn, og má þetta slekti þakka þó fyrir, hversu mildi mín eykst, með árunum, í orðræðu allri.

Kann vera; að einhver blóðdreitill sé enn, rennandi, í mínum æðum, frá þeim Kveldúlfi gamla úr Hrafnistu, og þeim frændum öllum ! Væri það ei; að ófyrirsynju, Gústaf minn.

Og; beztu kveðjur, á ný /

Óskar Helgi Helgason

[Siggi Lee Lewis, 21.10.2008 kl. 21:31]

Það er hræðilegt að USA vilja ekki lána okkur. Versta sem menn gátu þó gert var að leita til Rússa. Rússar bjóðast ekki til að lána okkur vegna góðgerðisstarfsemi. Þeir fá hverja einustu krónu til baka og rúmlega það. Það sem kommúnistarnir eru að gera, er einfaldlega að þeir eru að tryggja sér "vináttu" við íslendinga vegna þess að Ísland er eitt risastórt flugmóðurskip á norður Atlantshafi, auk þess sem siglingarleiðir hafa nú opnast framhjá landinu.

Ég vil ekki sjá neina sérstaka vináttu við rússa. Við eigum að fara beinustu leið íalþjóða gjaldeyrissjóðinn og norðmanna, þar sem Bandaríkjamenn vilja ekki hjálpa okkur.

[Siggi Lee Lewis, 21.10.2008 kl. 21:32]

En ég fagna þó þesum fundi Rice og Sólu...

[Óskar (IP-tala skráð) 21.10.2008 kl. 22:26]

Bandalag við B(já)NA

heimsins vopna og ofurvald

Þú skilur ekki að þeir boða

kommúnisma og afturhald.

[Sigurður Þórðarson, 21.10.2008 kl. 22:37]

Ísland er skuldugasta ríki í Evrópu og ef ríkið tekur þetta risalán eru við skuldugust í heimi og það eru fáir sem treysta okkur.Af hverju er ríkið þá að eyða 1350 milljónum í þrounarhjálp? Af hverju er ríkið að eyða 800 milljónum í  að styrkja einhverjar eyjar, þar sem íbúarnir skulda brot á við okkur? Af hverju má ekki veiða hvali sem borða 20 sinnum meir en við veiðum?  Eina lausn þessarar aula ríkisstjórnar er að ganga með betlistaf fyrir hvers manns dyr.

[Sigurður Þórðarson, 22.10.2008 kl. 00:12]

Fínar tilvitnanir Guðmundur, ég er sammála þér.