Snúið uppá hendur lífeyrissjóðanna

Ríkisstjórnin áttar sig á því að ekki er hægt að láta lífeyrissjóðina slá hana kalda varðandi úrlausn á skuldavanda heimila. Það lítur illa út séð af sjónarhóli spunameistaranna, enda trúir almenningur því að hann eigi sjóðina. Það er rangt, hann aðeins borgar í þá, aðrir ráða. Ríkisstjórin rær nú lífróður og kastar eins miklu ryki í augu almennings og nokkur kostur er.

Þegar upp verður staðið hefur ekkert breyst - fjötrar þrælahalds verða lagðir á herðar fjölda Íslendinga, sem þeir munu ekki geta risið undir. Engin almannasamtök, eins og stjórnmálaflokkar og verkalýðsfélög munu æmta eða skræmta, því samtakamátturinn, í bili að minnsta kosti, ristir ekki dýpra en til þess eins að bjarga eigin skinni.

Maður eiginlega skammast sín fyrir þroskaleysi þessarar þjóðar.

Meginatriði samkomulags að nást

Athugasemdir

[Valgarð (IP-tala skráð) 2.12.2010 kl. 18:29]

Ég er hræddur um að þú hafir rétt fyrir þér hvað þetta varðar . Annars er þarna athyglisverður púntur varðandi eignarhald lífeyrisjóðanna en þar virðast stjórnendur ekki hugsa um hag eigenda sinna sem eru sumir hverjir að missa húsnæði sitt og í sumum tilvikum hefur vinnan farið líka , en þeir eru auðvitað launafólkið !

 kv  valgarð

[Óskar Guðmundsson, 2.12.2010 kl. 18:37]

Nú getur ríkis ó-stjórnin etv ekki lengur falið sig á bakvið lífeyrissjóðina....?

Það var nefnilega allt þeim að kenna og nú á allt að vera ríkisstjórninni að þakka???  Það þarf skratti góðan spunameistara til að ná að tengja þetta tvennt saman.... jú eða autrúa almennin, t.d. vitleysinga sem stara í augu gamalla komma og trúa stefnu þeirra til "umbóta"...

[Óskar, 2.12.2010 kl. 19:25]

Voðalega eruð þið blá hægri menn sárir núna.  En það komur líka nákvæmlega ekkert á óvart.  Lífeyrissjóðirnir spurðu hvorki kóng eða prest þegar þeir spreðuðu fé sjóðfélaga í hlutabréf sem reyndust svo minna virði en rúlluskeinipappír.  Lífeyrissjóðirnir hafa líka stórgrætt á stökkbreyttum höfuðstól útlána.  Bara einfaldlega sjálfsagt að skila einhverju af þessu til baka.

[Erla Magna Alexandersdóttir, 2.12.2010 kl. 20:59]

mega stjórnendur Lífeyrisjóða nota peninga landsmanna og ellilifeyri í póker ????

Erla Magna

[Jón Ellert (IP-tala skráð) 3.12.2010 kl. 12:37]

Ekki spurðu þessir háu herrar í stjórnum lífeyrissjóðana eigendurna um þegar þeir töpuðu þvílíkum upphæðum að annað eins hefur aldrei heyrst. Þessir sömu tóku þátt í veislunni með útrásarvíkingingunum, en þegar á að hjálpa eigendunum þá er ekkert hægt að gera. Seta bara lög á þessa fugla sem stjórnaþessu og senda þá fyrir landsdóm.