Dekrað við delluhugmyndir

Hrafn Gunnlaugsson, leikstjóri og kvikmyndagerðamaður, hefur um margt stórsnjalla sýn á skipulagsmál Reykjavíkur. Hefur hann opinberlega viðrað ýmsar áhugaverðar hugmyndir sem vert er að skoða. Kjarninn í skoðunum hans er sá að hyggilegra sé að byggja hátt í stað þess að fletja byggðina út. Þannig mætti skapa nokkurn borgarbrag í henni Reykjavík. Hann hefur talað fyrir því að flytja Árbæjarsafn í Hjómskálagarðinn og jafnvel víðar. Háreist íbúðabyggð á því svæði tel ég koma vel til greina. Hrafn hefur ennfremur talað fyrir flugvelli á Lönguskerjum, sem ég sem leikmaður tel hyggilegra að gera, í stað þess að slengja honum á Hólmsheiði. Best væri auðvitað að flytja innanlandsflug til Keflavíkur, en um þetta verða menn sjálfsagt seint sammála. Hrafn viðraði þá hugmynd að byggja háhýsi á rústum Lækjargötu 2 og Austurstrætis 22, sem urðu eldi að bráð fyrir skömmu. Nær það nokkurri átt að endurbyggja "fornminjar" á vegum skattgreiðenda? Þessi föllnu hús hafa í reynd enga sögulega eða menningarlega skírskotun, það sést auðvitað best á því hvernig húsin voru nýtt. 

Athugasemdir

[Benedikt Halldórsson, 23.4.2007 kl. 18:21]

Sammála.  Get gert "Er andvígur hvers kyns gervilýðræði og lýðskrumi stjórnmálamanna, óháð flokkum." að mínum. Velkominn á bloggið.

[Gústaf Níelsson, 23.4.2007 kl. 23:04]

Takk Benedikt. Gervilýðræði og lýðskrum, svo maður tali nú ekki um allt þetta uppgerðar- og gervifrjálslyndi, sem plagar margan góðan drenginn, er orðið að hálfgerðu meini.

[Jón Valur Jensson, 24.4.2007 kl. 01:20]

Velkominn í Moggablogheima, vinur og félagi.