Ekki er öll vitleysan eins.

Samkvæmt þessari frétt er ekki öll vitleysan eins, svo mikið er víst. Dettur einhverjum í hug að reykleysi tryggi börnum bestu fósturforeldrana? Já, einhverjum snillingum í Bretlandi, sem  hafa háskólapróf í því að ráðskast með hagi annarra. Skyldu menn á Íslandi hugleiða svipað model fyrir börn í vanda hérlendis? Myndi  einhver gera athugasemd við eftirfarandi  tillögu:"Reyklaus samkynhneigð grænmetisæta í kjörþyngd,sem er á móti stóriðju og alþjóðavæðingu og  kýs flokka vinstra megin við miðju, skal  að öðru jöfnu vera fyrsti kostur sem fósturforeldri".

Breskir reykingamenn fá ekki að verða fósturforeldrar

Athugasemdir

[Ísdrottningin, 22.6.2007 kl. 14:24]

Skoðanir foreldra senda ekki eitur í líkama ungbarna.

[Gústaf Níelsson, 22.6.2007 kl. 21:46]

Vel kann þetta að vera rétt hjá þér Ísdrottning kær, en hvað með andann og sálina?

[Guðsteinn Haukur Barkarson, 25.6.2007 kl. 18:05]

Amen Gústaf, ég tók á þessu sama ekki alls fyrir löngu ! Guð blessi þig bróðir!

[Gústaf Níelsson, 27.6.2007 kl. 22:50]

Ágæta Karma. Einu sinni átti ég "reykingahund". Hann dó í hárri elli og fannst bestur ilmurinn af London Docks.