Að semja með byssuhlaupið í kokinu

Forsætisráðherra stóð sig prýðilega í Kastljósi kvöldsins, en þáttarstjórnandanum Sigmari tókst illa að tjá reiði almennings. Það er engu líkara en að þessir sjálfskipuðu fulltrúar fólksins séu algerlega farnir á taugum.

Í einhverja daga höfum við sitið við samningaborð með breskri sendinefnd til þess að leita lausna á ágreiningsefni þjóðanna. Mikið er í húfi fyrir "litlasta" landið. Samt látum við það yfir okkur ganga, á sama tíma, að bresk stjórnvöld hafi okkur á lista yfir hryðjuverkamenn. Við ættum auðvitað ekki að ræða við þá af alvöru fyrr en þeir væru búnir að fjarlægja okkur af þeim lista og biðjast afsökunar á þeim leiðu mistökum að við skulum vera þar. Við eigum ekki að semja við menn sem stinga ísköldu bygguhlaupinu ofan í kokið á okkur. Samningsstaðan er ekki góð við slíkar kringumstæður.

Aukinheldur kemur ekki til greina að pína þjóðina til að greiða svimandi háar stríðskaðabætur vegna útrásarvíkinganna og stjórnvöld eiga ekki að ljá máls á greiðslum umfram það sem lög og reglur standa til. Allt svínaríið verður að komast upp á yfirborðið í öllum löndum áður en samningar, sem binda þjóðina í langtíma fátæktarfjötra, verða gerðir. Allt annað er tilræði við lífsafkomu þjóðarinnar í bráð og lengd.

Samningamenn okkar hljóta að gera þá kröfu að Singer&Friedlander bankinn, sem var breskur banki, í eigu Íslendinga, liggi ekki óbættur hjá garði. 

Við munum ekki láta kúga okkur

Athugasemdir

[corvus corax, 22.10.2008 kl. 22:08]

Ég hélt að fávitar gengju ekki lengur lausir á landinu!

[Gústaf Níelsson, 22.10.2008 kl. 22:32]

Hvað á ofvitinn við?

[Siggi Lee Lewis, 22.10.2008 kl. 23:12]

Ísland hefur verið tekið af listanum samkvæmt fréttum stöðvar 2 í kvöld. Ég veit ekki hvað ofvitinn er meina.

[Sigurður Þórðarson, 23.10.2008 kl. 00:04]

Sigmar stóð sig frábærlega og Geir var ágætur líka. Fortíðin er að baki,  nú verða Íslendingar að gæta sín og Geir áttar sig á því. Við verðum að styðja stjórnvöld til allra góðra verka hvað sem okkur kann að þykja um fyrri verk þeirra.  Nú blasir alvaran við, jafnvel Samfylkingunni, sem getur ekki leikið sér eins mikið í  utanríkismálunum.

[Gústaf Níelsson, 23.10.2008 kl. 00:31]

Eitt er alveg víst. Utanríkisráðuneytið hefur ekki verið að gera neitt annað en að reyna að koma okkur í öryggisráðið, sem tókst ekki, allt síðasta ár. Önnur brýn verkefni, eins og þau að halda pólitískum lánalínum landsins opnum hafa verið vanrækt og maður hreinlega spyr sig hvort að sendimenn okkar hafi verið meðvitundarlausir lengi. Án þess að ég viti það, býst ég við því að heimsóknir utanríkisráðherra til Palestínu og daður hennar við hryðjuverkasamtök þeirra, hafi endanlega orðið til þess að dyr vestur um haf lokuðust.

[Vésteinn Valgarðsson, 23.10.2008 kl. 04:35]

Þar er kannski komin skýringin á því að Landsbankinn hafi lent á þessum "hryðjuverkalista", að Ingibjörg hafi ekki verið nógu harðsnúin gegn Palestínumönnum.