Hverju svarar Bessastaðaflónið?

Ólafur Ragnar Grímsson, forseti Íslands hefur orðið uppvís að lygum og alvarlegum dómgreindarbresti og barnalegri tilraun til að starfrækja sérstaka utanríkisþjónustu óháða þeirri, sem stjórnmálamenn bera ábyrgð á. Ingibjörg Sólrún, ber auðvitað öðrum fremur, og Össur nú, ábyrgð á öllu bullinu í forsetanum og ekki ólíklegt að þeim leiðist orðið málfundaæfingar hans og politískir einleikir, sem eiga sér ekkert fordæmi. Forseti hlýtur að svara trúverðugum skrifum Eiðs Guðnasonar, fv. sendiherra eða hvað?

Er kannski kominn tími til að búsáhaldadeild, vinstri flokkanna, skundi til Bessastaða og haldi þar eins og eina tónleika og krefjist þess í leiðinni að húsráðandi þar taki pokann sinn?

Á svig við sannleikann

Athugasemdir

[Guðrún Jónína Eiríksdóttir, 19.2.2009 kl. 00:41]

Af hverju bera Ingibjörg Sólrún og Össur meiri ábyrgð en þeir sem kusu Ólaf??? bara spyr.  Ég skil ekki allveg hvað þú meinar, (kanski kusu þau hann ekki) Ólafur er bara Íslendingur og virðist haga sér eins og margir aðrir íslendingar. Veit allt og getur allt.

[Gústaf Níelsson, 20.2.2009 kl. 22:06]

Var einhver kæra Guðrún Jónína, sem veitti Ólafi Ragnari umboð til þess að reka utanríkisþjónustu á skjön við rétta stjórnskipan íslenska lýðveldisins, svo notuð séu tvö orð sem honum eru töm á tungu? Svarið er nei, og tilraun hans til slíks er á ábyrgð þess ráðherra sem fer með utanríkismálefni Íslands. Vandinn er sá að hvorki Ingibjörg Sólrún né Össur hafa haft döngun í sér til að segja Bessastaðaflóninu að hann gegnir ekki lengur pólitísku hlutverki. Þess vegna hefur hann ekki leyfi til þess að rífa kjaft við sendiherra erlendra ríkja og ausa skömmum yfir gesti og gangandi, en hann getur öllum að meinalausu tekið Sám og frúna í göngu um Bessastaðanesið eða jafnvel niður Laugaveginn. Hélstu kannski að þjóðin hafi haft í hyggju að kjósa dóna á Bessastaði?

[Guðrún Jónína Eiríksdóttir, 22.2.2009 kl. 23:24]

Haa haa gott hjá þér, en ég er nú farin að hugsa þannig að ég geti ekki borið ábyrgð á því hvað maðurinn og börnin láta út úr sér hvað þá Ólafur.  Kvitt og kveðja og þú mátt allveg kalla mig Dúnu því það eru margir sem vita ekkert hvað ég heiti annað. Ps D kýs ég ekki því mér finst þeir hugsa meira um þá sem eiga eitthvað, en þegar maður á ekkert þá er mjög erfitt að komast upp úr því. (ég er komin upp ég á mig sjálf) Kvitt og kveðja.