Jóhanna bjargar fólki og fyrirtækjum

Hallærisríkisstjórn Jóhönnu Sigurðardóttur er nú að leggja lokahönd á mikilvægasta verkefnið, sem hugsast gat til að efla atvinnulífið og bjarga heimilum landsins frá eignamissi og hremmingum. Í þessari ríkisstjórn eru miklir galdrameistarar og seiðkerlingar, sem hrært hafa í pottum sínum og framreiða nú pottréttinn "Rekum Davíð". Einhvern veginn er rétturinn frekar ólystugur, sérstaklega eftir Kastljósþáttinn, sem sýndur var í gærkvöldi. Davíð hefur ekki sagt sitt síðasta orð og er því rétt að spyrja að leikslokum. Almenningi er greinilega brugðið og er að átta sig á því að hér er illa vegið að heiðarlegum og vönduðum manni.

Ríkisstjórnin er að setja skelfilegt fordæmi um pólitískar ofsóknir og lætur eins og Sjálfstæðisflokkurinn komist aldrei aftur til valda. Hvernig væri að hafa hlutverkaskipti og ímynda sér að forsætisráðherra Sjálfstæðisflokksins væri að reyna að svæla Seðlabankastjóra úr Samfylkingunni úr embætti. Hvernig skyldu fjölmiðlar landsins láta þá? Vill einhver giska?

Seðlabankafrumvarp afgreitt

Athugasemdir

[hilmar jónsson, 25.2.2009 kl. 22:13]

Það kom aldrei annað til greina en að Davíð færi, til þess að uppbygging gæti hafist.  90% vilji þjóðarinnar.

til hamingju.

[Helgi Már Bjarnason, 25.2.2009 kl. 22:21]

Mjöööög góður punktur Gústaf.    Það væri gjörsamlega allt vitlaust ef Geir (já eða Davíð í gamla daga) hefði böðlað í gegnum þingið einhverjum einblöðungi bara til að koma einhverjum samfylkingarmanni úr seðlabankanum.  Ég hugsa hreinlega að Óli Grís hefði stöðvað það.   En núna er þessu stillt upp sem þarfaverki af því þetta er með öfugum formerkjum.  Gjörsamlega óskiljanlegt.

En það verður gaman að fá Davíð í alvöru slag við þessa lopapeysur í minnihlutastjórninni.   Nú er stjórnin búin að hafa 30 daga (af 80) til að koma einhverjum lögum í gegnum þingið.  EKKI EIN LÖG KOMIN Í GEGN.   Bara einhverjir punt blaðamannafundir í Þjóðmenningarhúsinu um einhverjar fyrirætlanir sem komast ekki til framkvæmda.  Einu heillegu frumvörpin eru frumvörp sem voru tilbúin í tíð síðustu ríkisstjórnar.

[Tryggvi Tumi Traustason (IP-tala skráð) 26.2.2009 kl. 02:16]

Gústaf Níelsson...yoga er mjög afslappandi!

[Gústaf Gústafsson, 26.2.2009 kl. 08:41]

Hver var það aftur sem lagði niður Þjóðhagsstofnun af því spá hennar var ekki í samræmi við fullyrðingar þáverandi forsætisráðherra? Jú, alveg rétt, það var Davíð Oddsson. Ætli hann myndi bara ekki leggja Seðlabankann niður.

Svo er líka fínt að minnast þess að núverandi lög um seðlabankann eru sérsniðin af Davíð, fyrir Davíð og hann var sjálfur flutningsmaður frumvarps um þau lög. (þingskj. 1054).

Hann er hinn mætasti maður, en af hverju hann vill ekki hætta eftir það sem búið er að ganga á er ráðgáta.

Kveðja að vestan.