Yfirstéttin fundar

Yfirstétt kvenna (hin femíníska nómenklatúra) efndi til uppskeruhátíðar (les: hvítvínspartý) í Iðnó í kvöld. Tilefnið var fögnuður yfir þvi að konur sætu á alþingi sem aldrei fyrr, og að kona leiddi ríkisstjórnina. Mun það greiða úr vanda Íslands að sem flestar konur sitji á þingi? Örugglega ekki og fagnaðarlætin því lítt skiljanleg. Mun einhver fréttamaður spyrja hver greiddi reikninginn? Örugglega ekki. En ég sem fávís sjónvarpsáhorfandi (sjónvarpið lét sig ekki vanta) leit ótrúlega fámennan hóp yfirstéttarkvenna lepja vínföngin í "góðum félagsskap". Var kannski boðið á Bessastaði eftir Iðnó? Voru allar nýju alþingiskonurnar á staðnum?

Mun einhver fjölmiðlamaðurinn þora að kryfja þessa furðusamkomu til mergjar og grafast fyrir um kostnaðinn og hver greiðir? Trúlega ekki, en nú eru erfiðir tímar og atvinnuþref, eins og skáldið sagði.

Velgengni kvenna fagnað

Athugasemdir

[Ásdís Helga Jóhannesdóttir, 21.5.2009 kl. 01:27]

Hárrétt "Yfirstéttin fundar", gæti ekki verið meira sammála.

[Skattborgari (IP-tala skráð) 21.5.2009 kl. 01:37]

Ég sé eftir þessari milljón eða svo sem ég efast ekki um að félagsmálaráðuneytið hafi pikkað upp fyrir þetta fínufrúakokteilboð. Ætli það þurfi ekki að leggja niður eins og eitt stöðugildi barnageðlæknis á móti, til að vinna upp kostnaðinn?

[Guðrún María Óskarsdóttir., 21.5.2009 kl. 01:56]

Góður punktur.

kv.Guðrún María.