Hvenær eru menn of drukknir úti að aka?

Kærleiks- og velferðarfasismanum eru lítil takmörk sett. Auðvitað blasir það við að fólk, sem ekur um með 0,5 prómill af alkóhóli í blóði hefur ágæta stjórn á aksturslagi sínu og sumir jafnvel betur, en þeir sem hafa ekkert alkóhól látið inn fyrir sínar varir. Raunar hefur mér alltaf fundist hálfundarlegt að allir skuli geta fengið ökuréttindi, því sannleikurinn er sá að fjöldinn allur af bláedrú fólki er akandi um allar koppagrundir án þess að geta eða kunna það.

Væri kannski fjarri lagi að fólk gæti fengið að taka ölvunaraksturspróf og þannig aflað sér réttinda til að keyra með lítilræði af áfengi í blóðinu? Margt vitlausara er nú lagt til.

Vilja lækka refsimörk vegna ölvunaraksturs

Athugasemdir

[Stóri Hálandahöfðinginn (IP-tala skráð) 8.7.2009 kl. 20:26]

Já þetta er athuganarvert það eru margir sem eru bláedrú og aka eins og fífl, vita ekki einu sinni hvað á að nota vinstri akreinin á að vera fyrir framúr akstur. Mæli með að Jónas og fjölskylda verði endurtekin á Rás 2 og heyr heyr þetta hefur verið tabú mál hingað til

[Birgir Þór Bragason, 8.7.2009 kl. 20:32]

Því segir þú Gústaf að það blasi við að sá sem er með 0,5 prómil af alkóhóli í blóðinu hafi bara ágæta stjórn á sksturslagi sínu?

[Birgir Þór Bragason, 8.7.2009 kl. 20:32]

sksturslagi = aksturslagi

[Gústaf Níelsson, 8.7.2009 kl. 20:56]

Séum við ósammála um þá "staðreynd" Birgir Þór, að sá sem er með 0,5 prómill af alkóhóli í blóði sínu, hafi ágæta stjórn á aksturslagi sínu, getum við þá verið sammála um það, að rétt sé að gefa fólki tækifæri til þess að taka ölvunaraksturspróf, með hliðsjón af þeirri staðreynd að fjöldi bláedrú ökumanna ætti ekki að hafa réttindi, vegna þess að þeir í reynd aka sem ölvaðir væru?

Ekki misskilja orð mín svo að ég sé að mæla með því að fólk aki ölvað, en sá sem hefur drukkið 1-2 bjóra er síst lakari ökumaður en margir sem aka um bláedrú, nema að hann sé þá í hópi þeirra sem alls ekki geta ekið, edrú eða undir áhrifum, litlum eða miklum!! Af þessum sökum væri út af fyrir sig ekki órökrétt að gefa fólki tækifæri til þess að taka ölvunaraksturspróf.

[Birgir Þór Bragason, 8.7.2009 kl. 21:08]

Ertu að segja það vera staðreynd að sá sem er með 0,5 prómill af alkóhóli í blóði sínu, hafi ágæta stjórn á aksturslagi sínu?

[Gústaf Níelsson, 8.7.2009 kl. 21:20]

Þú ert sæmilega læs, er það ekki? Að öðrum kosti hefðu menn varla fundið 0,5 prómill sem refsiviðmið, eða hvað?

[Birgir Þór Bragason, 8.7.2009 kl. 21:32]

Nú sjá menn að sér því flestir hafa áttað sig á því að gamalt er ekki endilega gott. Flestir hafa áttað sig á því að þessi „staðreynd“ er röng.

En hvað finnst þér? Á yfir höfuð að vera með eitthvað sem heitir ökupróf og ökuréttindi? Er það ekki bara kærleiks- og velferðarfasismi að vera með slíkt? Og þá líka hvað varðar skpi og flugvélar?

[Gústaf Níelsson, 8.7.2009 kl. 22:48]

Birgir, þú hefur alveg gleymt þér í kærleiks- og velferðarfasismanum. Þú talar ekki fyrir hönd "flestra", sem hafa áttað sig á því sem okkur "fíflunum" hefur yfirsést. Ekki legg ég til að allir hafi ökuréttindi, miklu fremur að kröfur séu auknar til slíkra réttinda, þannig að bláedrú fólk þurfi ekki að aka um sem væri það drukkið. Enginn dregur í efa að þeir sem stjórna flugvélum og skipum þurfa að hafa réttindi til þess, en kannski væri rétt að gefa einkaflugmönnum og kajakræðurum færi til þess að taka ölvunarréttindi á skip og flugvélar? Þeir eru víst ekki alltaf bláedrú, er það?

Það sem ég er að reyna að vekja athygli á er sú staðreynd að óraunhæft er með öllu að svifta menn ökuréttindum fyrir það eitt að aka með 0,2 prómill alkóhól í blóði. Dómstólar eru hættir að taka ökuréttindi af mönnum fyrir það að hafa eldgamlar leyfar af kannabisefnum í blóði, vegna þess að það er augljóslega út í bláinn og hefur engin áhrif á hæfni manna til að stjórna ökutæki. En mælingatæknin lætur ekki að sér hæða.

[Birgir Þór Bragason, 9.7.2009 kl. 06:13]

Það er nú ekki talað um að svipta menn við 0,2 prómill. Ég er þess fullviss að hver sá sem drekkur einn bjór og fer út að aka, gerir það af minna öryggi en án bjórsins. Ég er þeirrar skoðunnar að smakki menn áfengi þá eigi þeir ekki að aka. Ef einhver verður að drekka einn bjór þá á sá hinn sami að láta bílinn vera á eftir. Er þetta nógu skýrt? :)

Í dag er svigrúm á milli þess að smakka vín og lenda í refsiverðri stöðu. Það svigrúm verður að fjarlægja svo fólk freistist ekki til þess að finna þessi mörk með mælingum og/eða slysi.

Þú veist það nú sennilega ekki en ég hefi marg oft bent á skort á kennslu og umferðarlegu uppeldi. Ég mun halda því áfram. Það þarf að kenna börnunum okkar að nota, skilja og gera greinarmun á réttu og röngu í umferðinni.

Eigðu góðar stundir.