Að hatast út í KSÍ

Fyrir utan að vera búin að koma sér á opinbert framfæri meira og minna, eiga Femínistafélags Íslands, Samtök um Kvennaathvarf og Stígamót það sameiginlegt að hatast út í knattspyrnuhreyfinguna. Öllu sæmilega óbrjáluðu fólki er löngu ljóst að innanbúðar í þessum ágætu samtökum hafa hreiðrað um sig samansúrraðar ofstækiskellingar, sem hata karla og allt sem þeir standa fyrir og þar með auðvitað KSÍ, sem stjórnað er af körlum. Væri ekki vegna haturs í garð karla og óra um vændi og mansal í hverju horni, er vandséð hvað þessi samtök ættu að láta sig KSÍ varða. Maður gæti skilið ef knattspyrnudeildir íþróttafélaga landsins ályktuðu um það sem ámælisvert þætti um starfshætti KSÍ, en  einhvern veginn finnst manni sem ofstækisfull hatursfélög kvenna eigi litla aðild að málum.

Auk þess gæti þessi kellingasveit beint því til Jóhönnu Sigurðardóttur og Steingríms J. Sigfússonar að vera ekki að leggja í arf skuldabyrðar á framtíðarkynslóðir Íslendinga að óþörfu, í stað þess að saka KSÍ um siðblindu og dómgreindarskort, eins og það er nefnt svo fallega.

Fordæma niðurstöðu stjórnar KSÍ

Athugasemdir

[Guðrún (IP-tala skráð) 23.11.2009 kl. 15:09]

Ég er nú ekki meðlimur í neinum af þessum samtökum sem þú nefnir hér að ofan en verð að viðurkenna að mér finnst fáránlegt hvernig KSÍ tekur á málunum. Mér kemur þetta við, börnin mín æfa íþróttir innan vébanda KSÍ og ég hef stutt við þessi samtök í gegnum tíðina. Þessi einstaklingur gerðist sekur um misnotkun á fjármunum samtakanna og hefði átt að fjúka í kjölfarið - ég er ekki að missa mig yfir því að um stryppstað sé að ræða, heldur hitt að hann notaði kort KSÍ í einkaneyslu. Hvers konar eftirlit er þarna innadyra með fjármálum samtakanna? Hvernig stendur á því að endurskoðendur gerðu ekki athugasemdir við þessar færslur? Það verður bið á því að ég styðji KSÍ ef þeim finnst í lagi að fara svona með fjármuni samtakanna!

[Gústaf Níelsson, 23.11.2009 kl. 15:37]

Ágæta Guðrún. Mín vegna máttu skrökva um stuðning þinn við KSÍ. Hvernig hefir hann verið? Með fjárframlögum eða öðrum hætti? Mér svosem varðar ekkert um það, en það er ljótt að skrökva í skjóli barna sinna Guðrún mín. Sektin liggur ekki í misnotkun af nokkru tagi af hálfu fjármálastjórnans, þótt kortið sem hann hefur brúk af, komi við sögu eins og kunnugt er. Og samtökin báru ekkert fjárhagstjón. Fjármálastjórinn axlaði ábyrgð á óvarfærni sinni og bar tjónið sjálfur, þótt honum hefði síðar tekist að endurheimta féð að nokkru leyti fyrir atbeina svissneskra dómstóla. Láttu bara verða bið á fjárstuðningi þínum við KSÍ. Þessi kallpungaklúbbur kemst áreiðanlega af án framlaga þinna og stuðnings.

[Óskar Guðmundsson (IP-tala skráð) 25.11.2009 kl. 00:37]

Fáum Geira á Goldfinger til að gefa út skrá yfir alla sem fara yfir 100 kallinn.

Þá strax kæmi rugl í ljós í okkar egin bakgarði!