Ólafur Ragnar engum líkur

Það verður nú seint sagt um hann Ólaf okkar Ragnar að þann þjáist af lítillæti og hógværð. Hann er dásamlega grobbinn og drýldinn, einkum og sér í lagi þegar útlendingar taka hann tali. Og ekki brást hann vonum okkar í viðtali við Arabian Business (vonandi hafa þeir ekki allt vitlaust eftir honum). Þar tjáir hann sig um vanda Obama í embætti sínu og erfiðleika hans að sannfæra þjóðarleiðtoga heimsins um sameiginlega niðurstöðu á loftslagsráðstefnu Sameinuðu þjóðanna, sem hefst í Kaupmannahöfn á morgun. Um hvaða sameiginlegu niðurstöðu á eiginlega að sannfæra þjóðarleiðtoga heimsins? Allt svindlið og svínaríið kringum þennan loftslagsiðnað? Ráðstefnan verður auðvitað haldin í skugga skipulegs svindls um staðreyndir veðurfræðinnar. Hin pólitíska veðurfræði hefur orðið fyrir áfalli. En Ólafur Ragnar veit líka eftir að hafa unnið í 30 ár með bandarískum leiðtogum (svo segir mbl.is) að það tekur tíma að breyta stefnu Bandaríkjastjórnar, enda eigi Obama nóg með að fást við efnahagskreppu, Írak, Afganistan og heilbrigðismál.

Hvernig væri nú að Ólafur Ragnar tæki sig til í andlitinu, hætti þessu grobbi, og byrjaði á því að koma samskiptum Íslands og Bandaríkjanna í sæmilegt horf. Það er ekki vansalaust að Íslendingar skuli sitja uppi með forseta sem er uppvís af því að móðga Bandaríkin með fordæmislausri framkomu við sendiherra þeirra.

Segir Obama þurfa lengri tíma

Athugasemdir

[Vilhjálmur Örn Vilhjálmsson, 6.12.2009 kl. 22:00]

30 ár í Deep shit. Nei, hann er engum líkur...

[hilmar jónsson, 6.12.2009 kl. 22:09]

Já þetta er svakalegt..

það var mun meiri reisn yfir þeim Halldóri og Davíð þegar þeir kysstu Bush á rassgatið og gerðu Íslensku þjóðina ábyrga fyrir stíðsrekstri Bandaríkjamanna.

[Gústaf Níelsson, 6.12.2009 kl. 22:28]

Já mikil getur hún orðið ábyrgð þessara rassakossakalla Hilmar minn. Hvorki meira né minna en allt Íraksstríðið í fang íslensku þjóðarinnar. Þjóð sem á slík gáfnaljós og mannvitsbrekkur sem þig þarf engu að kvíða. Satt best að segja hefur mér alltaf þótt meiri reisn yfir þeim Davíð og Halldóri, en ræflinum honum Ólafi Ragnari. En ég vissi bara ekki um þessar rassagatakyssur. Þú ert mér fróðari um slíka hluti.

[hilmar jónsson, 6.12.2009 kl. 22:38]

Ja ef þú sér enga ábyrgð fólgna í því að lýsa fyrir hönd þjóðar stuðningi við stríð, án samráðs við þing eða þjóð, þá myndi ég í þínum sporum spara mér að leika mikið með orðið mannvit í þessu samhengi..En svo er auðvitaðað til nokkuð sem heitir siðleysi.

[Gústaf Níelsson, 6.12.2009 kl. 22:50]

Hvernig er það Hilmar með ykkur handhafa siðferðis og bestu kosta mannsins teljiði að stuðningur við stríð sé góður ef hann er á vegum þings og þjóðar? Ég hef alltaf verið ágætlega sáttur við þá aðgerð að koma glæpahyski Saddams og honum sjálfum frá völdum. Ert þú ósáttur við það?

[hilmar jónsson, 6.12.2009 kl. 23:02]

Hér er enginn að tala um Saddam sérstaklega. Ákveðnar siðareglur hljóta að gilda hvaða þjóð sem í hlut á.

Ég, allavega geri meiri kröfur til stjórnkerfis og ráðamanna en það, að ég geti samþykkt að tveir menn yfir kaffibolla ákveði að fyrir hönd þjóðar að lýsa stuðningi við stríð, Saddam eða Castro..eða hver sem er..

[Baldur Hermannsson, 6.12.2009 kl. 23:10]

Ólafur Ragnar Grímsson Grís ætti að einbeita sér að því að koma á betri samskiptum milli sjálfs sín og íslensku þjóðarinnar. Hann er sprenghlægilegur í sinni upphöfnu drýldni. Hvað Íraksstríðið varðar, þá var það tvímælalaust ljóta uppákoman og sýnir svo ekki verður um villst að það gengur ekki að láta Bandaríkjamenn ráðskast lengur með mannkynið. En hlutur Íslands í því máli er hins vegar með ágætum. Við höfum engan drepið en hjálpargögn höfum við sent og meira að segja rammíslenskan jólasvein hér um árið. Davíð og Halldór geta vel við unað.

[hilmar jónsson, 6.12.2009 kl. 23:20]

Vertu ekki með þetta kjaftæði Baldur. Ólafur er glæsilegur fulltrúi þjóðarinnar,skarpur og skemmtilegur, og Dorrit elskar þjóðina og þjóðin hana.

Nei eg er hræddur um að Davíð hafi nagað sig illa í handarbökin eftir þennan yfirgang, enda mun sagan ekki fara mjúkum höndum um hann hvað þetta varðar, og nóg er nú fyrir.

Halldór aftur á móti..hefur sennilega ekki greind til þess að skammast sín.

[Halldór Jónsson, 13.12.2009 kl. 01:24]

Gústaf minn góður,

Með þegna eins og hilmar þennan, hvern þarf að undra ástandið hjá þjóðinni eða hafa von um betri tíð ?

 Þjóðin þarf að losna við forsetaembættið sjálfrar sín vegna, ég held að meirihlutinn sé orðinn klár á því hversu gallað og einskis nýtt þetta embætti er bæði stjórnskipulega  eftir að þessi Ólafur Grímsson er búinn að handleika það með áorðnum hætti og allt prumpið sem er í kringum þetta og peningabrennslan hjá þessum manni í heimshornaflandri og einskisnýtu snobbi fyrir stórlöxum heimsins.

Í staðinn ættum viðað kjósa forseta sem forseta eins og Bandaríkjamenn, sem Ólafur þessi niðurlægði sem mest á Bessastöðum. Það verður dagurinn sem Ólafur verður boðinn þangað !

[Gústaf Níelsson, 13.12.2009 kl. 13:24]

Mér finnst það skaði Halldór, en Ólafi Ragnari hefur tekist að eyðileggja þetta embætti. Í því skyni að draga úr áhættu vegna embættisins í framtíðinni væri annars vegar hægt að leggja það bara niður, en hins vegar tryggja að sá sem gegnir því sé kjörinn meirihlutakosningu. Tillaga þín gerir hins vegar ráð fyrir grundvallar stjórnkerfisbreytingu.