Var vinstri andstaðan í Samfylkingu ofurliði borin?

Stefnuyfirlýsing hinnar nýju ríkisstjórnar er um margt óljós, nánast eins og óútfylltur tékki. Forsætisráðherra lýsti verklaginu við myndun stjórnarinnar ágætlega í sjónvarpinu í kvöld, þegar hann sagði að menn hefðu ekki verið að reyna að sannfæra hvorn annan um ágæti sjónarmiða sinna. Niðurstaðan varð því óhjákvæmilega bærileg samsuða úr nýlegum landsfundarályktunum Sf og Sjálfstæðisflokks, sem flestir landsmenn geta í reynd samsinnt í aðalatriðum. Báðir flokkar geta því sæmilega unað við sitt, sem og landslýður allur. Engum bátum verður ruggað, en við því má búast að ríkisútgjöld verði umfram gott hóf, eins og gjarnan gerist við þátttöku sósíalista í ríkisstjórnum. Náist hins vegar markmið ríkisstjórnarinnar í efnahags- og atvinnumálum, þurfa vinnufúsar hendur hér á landi engu að kvíða. En sé eitthvað eftir af róttækum vinstrimönnum í Sf geta þeir farið að flýta sér yfir í Vg, ef þeir eru ekki þegar farnir.

Athugasemdir

[Linda, 26.5.2007 kl. 12:16]

  hæ bara að kíkja á þig og segja hæ. 

[Guðsteinn Haukur Barkarson, 28.5.2007 kl. 17:38]

Gústaf, Samfylkingin er Alþýðuflokkurinn, VG er Alþýðubandalagið, ekkert breyttist nema nöfnin. Þannig þetta er rétt hjá þér, ef einhverjir rótttækir "kommar" eru eftir í Samfylkingunni þá ættu þeir að drífa sig í Vg.