Lifir ríkisstjórnin af gjaldeyris- og bankakreppu?

Ýmislegt bendir til þess að ríkisstjórn Samfylkingar og Sjálfstæðisflokks muni ekki lifa af djúpa gjaldeyris- og bankakreppu. Í stað þess að vera samstíga í því að leita allra mögulegra leiða til þess að  leysa vandann í bráð, einblínir annar samstarfsflokkurinn á framtíðarlausn, ef lausn skyldi kalla, sem liggur í inngöngu í EB og upptöku evru. Í þeim kringumstæðum sem nú ríkja er allt tal um inngöngu í EB og upptöku evru, helbert lýðskrum, til þess fallið að gefa almenningi falsvonir. Vandi Íslands er bráðavandi, en ekki framtíðarvandi. Greini stjórnmálamennirnir ekki þarna á milli mun illa fara.

Sjálfstæðisflokkurinn á strax að taka upp leynilegar trúnaðarviðræður við Vg, Framsóknarflokk og Frjálslyndaflokkinn í því skyni að leysa bráðavandann. Samfylkingin ætlar ekki að leggjast á árarnar með þjóðinni; hún ætlar að nota ástandið til þess að sigla okkur til Brussell.

Athugasemdir

[Sigurður Þórðarson, 14.10.2008 kl. 22:07]

Það er komin mikil þreyta í þetta "samstarf"

[Gústaf Níelsson, 14.10.2008 kl. 23:02]

Mér sýnist vanta samstöðu í áralagið Sigurður og það er alltaf að verða augljósara að Sf vill nota erfiðleikana til þess að troða okkur í EB. Slík ákvörðun má aldrei vera neyðarlending. Innganga þarf að vera á forsendum styrkleika, en ekki veikleika, og þarf víðtæka þjóðfélagsumræðu fyrirfram.