Seðlabankastjóri slær til baka

Augljóst er að Davíð Oddsson Seðlabankastjóri ætlar ekki að láta pólitíska andstæðinga sína eiga neitt inni hjá sér. Hann býður stjórnvöldum upp á óháða rannsókn útlendinga á störfum sínum og bankans í aðdraganda bankahrunsins. Svona bjóða strangheiðarlegir kjarkmenn. Ég hef ekki heyrt bankastjóra föllnu viðskiptabankanna bjóða neitt í líkingu við þetta.

Því miður hefur ríkisstjórnin látið nauðbeygð undan kúgunaraðgerðum Evrópusambandsins og ávísað skuldum óreiðumanna á komandi kynslóðir Íslendinga. Þetta er sama Evrópusambandið og Samfylkingin vill ólm að við leggjum lag okkar við. Það gerist vart þjóðhollara eða hvað?

Fyrr skal ég ganga Noregskonungi á hönd, en verða skúffa suðrí Brussell. Það verður aldrei sátt um inngöngu í Evrópusambandið eftir þær trakteringar, sem þjóðin hefur fengið þar að undanförnu.

Athugasemdir

[Gústaf Níelsson, 20.11.2008 kl. 13:58]

Snjöll vísa Erlingur um Samfylkinguna og tilraun hennar til að koma okkur í Evrópusambandið. Skil ég þetta ekki rétt?

[Halldór Jónsson, 21.11.2008 kl. 00:43]

Bravó Gústaf,

Aldrei skal ég viljugur í þetta aulabandalag ESB. Íslendingar eru meiri Ameríkumenn en Evrópubúar. Vestanhafs eigum við flesta frændfólkið. Það er miklu líkara okkur en rúmenskir sígaunar,  Sikileyingar,  Baskar eða Belgir svo ég tali ekki Bretana.

[Gústaf Níelsson, 21.11.2008 kl. 02:04]

Stöðuuppleggið hjá Samfylkingunni er kolrangt Halldór. Öllum er orðið ljóst að innganga í ESB og upptaka evru í kjölfarið, er margra ára ferli og gagnast ekki til að takast á við bráðavanda íslenska efnahagslífsins, þótt Sf sé þetta ekki ljóst.