Ótrúlega geðlaus dómsmálaráðherra

Dómsmálaráðherra, Ragna Árnadóttir, lét það yfir sig ganga að skríll svipti hana málfrelsinu er hún hugðist ávarpa ráðstefnu í H.Í í tilefni af 60 ára afmæli Evrópuráðsins og 50 ára afmæli Mannréttindadómstóls Evrópu í dag. Hún kaus að yfirgefa vettvang og sleppa ávarpinu. Þessi sami skríll truflar líka heimilisfrið ráðherra eftir hentugleikum, en enginn er handtekinn og látinn bera ábyrgð á gerðum sínum.

En ráðherrann var vart búinn að láta svæla sig burt af vettvangi mannréttindaumræðunnar í H.Í. er hún í sjónvarpsfréttum tók upp "málstað" litháískrar götustelpu, sem íslenskir femínistar og lögregluyfirvöld halda að sé fórnarlamb mansals, og taldi að hér væri á ferðinni alvarlegt mál, sem taka þyrfti á. Það er með ólíkindum hvað ráðamenn geta látið hagsmunahópa, opinbera, sem óopinbera, fífla sig þegar fjárlög eru í meðförum alþingis. En látum það liggja á milli hluta nú.

Ég geri ráð fyrir því að sá mannafli lögreglumanna, sem nú snýst í kringum ógæfusama götustelpu frá Litháen, hefði hæglega dugað til þess að tryggja að ráðherra yrði ekki sviptur málfrelsi í H.Í. En ráðherra þarf auðvitað að forgangsraða, eins og aðrir.

Gerðu hróp að ráðherra

Athugasemdir

[Jón Valur Jensson, 16.10.2009 kl. 23:30]

Heill og sæll, minn ágæti Gústaf. Athyglisvert er að sjá þitt sjónarhorn á þau áhyggjumál, sem nú er mikið ritað um. Ég ritaði einnig um þessi málefni bæði í dag, en með all-ólíkri nálgun, þótt við séum sammála um, að aðförin að dómsmálaráðfrúnni, heima og heiman, er skammarleg. Um litháísku konuna skrifaði ég raunar nánast ekki neitt, heldur fjallaði ég almennt um vændismálin eins og brýn þörf virðist á, eða þannig kemur það a.m.k. mér fyrir sjónir eftir að hafa fylgzt með því, að hverju hefur rekið á þessu siðferðissviði síðustu árin

Hafðu það gott um helgina og ævinlega, minn kæri.

[Gústaf Níelsson, 16.10.2009 kl. 23:38]

Þakka góðar kveðjur Jón Valur. Mér finnst sérkennilegt hvað götuvændi og mansal færist í aukana þegar fjárlögin eru í meðförum alþingis, svo maður tali nú ekki um hvað fíklum fjölgar óskaplega um þetta leyti árs. Þeir sem eiga allt sitt undir skattfé almennings láta gjarnan heyra í sér hátt og snjallt á þessum árstíma, vitandi að stjórnmálamenn eru reikulir í ráði og oftast sammála síðasta ræðumanni.

[Skúli Skúlason (IP-tala skráð) 17.10.2009 kl. 17:34]

Þetta var hárrétt ákvörðun hjá ráðherranum að  senda  liðið  úr  landi  en  auðvitað  rangt  að  hlaupast  undan  merkjum.

SÝNISHORN AF FJÖLÞJÓÐAMENNINGUNNI Í SVÍÞJÓÐ.

http://www.youtube.com/watch?v=twyVJJZ_A3c&feature=related  


TRÚ FRIÐARINS HEIMTAR HÖFUÐ GEERT WILDERS FYRIR FRAMAN BRESKA ÞINGIÐ OG BRESKA LÖGREGLAN GERIR EKKI NEITT.

http://www.youtube.com/watch?v=det7TUsLy8U&feature=player_embedded

[Bernharð Hjaltalín, 19.10.2009 kl. 18:28]

Sæll Gústaf, þessi skríll réðist að heimili hennar um miðnætti, ég hélt að friður ætti að vera eftir kl. 20. hvar var lögreglan með gashylkin eins og við ártúnsholt í denn.

Annars botna ég ekki í þessari linkind gagnvart útlendingum sem brjóta sí og æ af sér, það er mikið af góðum útlendingum t.d. frá króatíu, serbíu, ítalíu og fleiri löndum asíu og afríku sem við getum ekki boðið þetta ástand öllu lengur

[Gústaf Níelsson, 19.10.2009 kl. 20:30]

Sæll Benni. Auðvitað eru flestir útlendingar, sem vilja setjast að á Íslandi hið ágætasta fólk. En manni bregður í brún að heyra af getuleysi stjórnvalda við það að halda glæpalýð fjarri landinu. Það er kannski mannréttindamál að útlendur óþjóðalýður hafi hér landvist og flokkast kannski sem fínasta fjölmenning? 

[Jón Valur Jensson, 19.10.2009 kl. 21:15]

Þakka þér svarið, Gústaf.

Gaman að sjá þig birtast hér, Benni!