Framsókn reitir trompin úr höndum formanns Sjálfstæðisflokksins.

Athyglisvert var að horfa á varaformann Framsóknarflokksins í Kastljósi sjónvarpsins áðan fokillan út í forustu Sjálfstæðisflokksins. Af orðum hans er ljóst, þykir mér, að flokkarnir hafi verið búnir að ganga frá málefnum að mestu, en strandað hafi á kröfuhörku Framsóknarflokks til ráðherraembætta. Sé alvarleg illska hlaupin í menn má við því búast að framsókn kunni að bjóða minnihlutastjórn Vg og Sf vörn gegn vantrausti, sem gerir stöðu Ingibjargar erfiða, en veitir henni styrk í samningum við Sjálfstæðisflokk. Framsóknarmenn eru nú afartrúir þeirri hugmynd sinni að semja ýmist til vinstri eða hægri, eftir því hvernig kaupin gerast á eyrinni. Skyldi upphlaup framsóknar nú gagnvart Sjálfstæðisflokki hafa áhrif á samstarf í borgarstjórn Reykjavíkur?

Athugasemdir

[Gústaf Níelsson, 20.5.2007 kl. 14:28]

Framsóknarmenn hafa um langt skeið vanist völdum og áhrifum.Nú hefur þingstyrkjur þeirra hrapað og úr vöndu að ráða. Í þessari stöðu sem nú er upp komin þarf formaður Sjálfstæðisflokks að halda vel á spöðunum, svo ekki fái hann yfir sig vinstristjórn, því vafalaust er unnið að því hörðum höndum, á bak við tjöldin, að koma slíkri stjórn á koppinn. Við skulum ekki gleyma að Sf er fjarri því að vera sæmilega einsleitur flokkur. Sviðið er opið.