Ögmundur mun lúffa

Þau eru sérkennileg leikritin sem sett eru á svið núna. Vg reynir að halda uppi stjórnarandstöðu í Icesave-málinu með Ögmund í fylkingarbrjósti, á meðan Steingrímur ástundar pólitíska ástarfundi með Jóhönnu. Telja á þjóðinni trú um það að hagsmunir hennar liggi í því að ganga í ESB, eða lenda handan  "Járntjalds" að öðrum kosti. Vg stundar hálfhallærislegar stöðutökur í hagsmunamálum lands og þjóðar í því skyni að sitja sem lengst í ríkisstjórn.

Er ekki rétt að boða til nýrra kosninga, sem fyrst?

Fjölmenni á félagsfundi VG

Athugasemdir

[Anna Sigríður Guðmundsdóttir, 12.8.2009 kl. 00:12]

Kanski vantar bara þessu ágæta fólki stuðning frá sinni þjóð! Sameinuð stöndum við og sundruð föllum við. það eru gömul og ný sannindi.

Til hvers eigum við að kjósa upp á nýtt með svo sundraða þjóð? það kostar bara enn fleiri á alls konar rugl-launum sem skilar bara skoðunum ósáttra ekki-hugsjónarmönnum og konum!

Ég vil ekki að mínar fáu skattkrónur fari í meira slíkt rugl. Nú er komið nóg af slíku rugli. Annars verðum við komin með alla þjóðina á ráðherra og þinglaun fyrir það eitt að rífast en ekki vinna að lausnum.

[Gústaf Níelsson, 12.8.2009 kl. 00:27]

Kæra Anna. Á fólk einhvern stuðning skilið, sem vill bera kápuna á báðum öxlum, eins og Ögmundur. Gott er að hafa tungur tvær og tala sitt með hvorri, segir máltækið. Það er ákkúrat það sem Vg er að gera.

[Anna Sigríður Guðmundsdóttir, 12.8.2009 kl. 01:46]

Gústaf. Ef svo er þá er það meir en ég veit. Eg held alla vega að VG sé heiðarlegasti flokkurinn sem er starfandi núna.

Kanski er líka til eitthvað sem heitir málamiðlun. það er ekki hægt að fara bara eintóma einstefnu eins og samfylkingin er að gera.

þannig getur ekkert samstarf gengið.

Ekki gæti ég persónulega hugsað mér að þurfa að vera í málamiðlunarviðræðum við samfylkinguna. þar er ekkert sem heitir að mætast á miðri leið og taka tillit til annara sjónarmiða eftir því sem mér sýnist og finnst mér það sorglegt.