Það er hvimleitt svifrykið

Að sönnu er það hvimleitt svifrykið einkum þegar í hlut á fólk sem er viðkvæmt fyrir því. Að vísu hef ég aldrei skilið hvers vegna þeir tiltölulega fáu einstaklingar, sem eru viðkvæmir, skuli velja sér búsetu nærri umferðarþungum götum. Kannski eru vinstrimenn viðkvæmari í öndunarfærunum en annað fólk, því ekki fæ ég betur séð en á mynd með fréttinni skarti hinn vellátni kommúnisti Guðmundur J. Guðmundsson (litli Jaki), sagnfræðingur og kennari sínu fegursta, þótt á bakvið grímu sé. Vonandi þjáist hann ekki af öndunarörðugleikum. Kannski er hann bara með félögum sínum í Vinstri grænum að berjast í þágu píndra og plagaðra af svifryki - að vísu í engri svifrykstíð.

En hvað með það. Menn verða að hafa áhrif á sitt nærumhverfi, ekki satt?

Íbúar mótmæltu svifryksmengun

Athugasemdir

[Bara ég (IP-tala skráð) 21.10.2009 kl. 18:36]

Það er einnig skrítið hvers vegna naggladekkjum er kent um svifrykið! jú jú einhvað kemur frá nögglunum en aðalega kemur það frá díselbílum en það má ekki minnast á það í þessu landi enda eru díselbílar heilagir hér!

[Baldur Hermannsson, 21.10.2009 kl. 19:05]

Staðreynd, ryksallinn sem kemur frá díselbílum er 1000 sinnum smærri en sá sem kemur frá bensínbílum og smýgur því gegnum varnarmúra öndunarfæranna. Það eru ekki mörg ár síðan menn áttuðu sig á þessu.

[Jón Snæbjörnsson, 21.10.2009 kl. 19:32]

sóðaskapur að þrífa ekki götur reglulega

[Baldur Hermannsson, 21.10.2009 kl. 19:42]

Fólkið í þessum hverfum á bara að ganga með grímur eins og tíðkast í Japan og þykir sjálfsagt.

[Gústaf Níelsson, 21.10.2009 kl. 22:33]

Svifryksmengun er ekki stórkostlegt vandamál í Reykjavík, kannski svipað og kattarofnæmi. Fólki hættir til að kjafta "vandamálin" upp í rjáfur. Ekki ósvipað hinu sameiginlega átaki femínista og lögreglu að kjafta meint mansal í hæstu hæðir, í eiginhagsmunaskyni. Svo fjármunir renni í stríðum straumi til varnarbaráttunnar, sem er trúlega engin.