Hverjir lögðu hart að Vigdísi?

Vigdís Finnbogadóttir, fyrrverandi forseti Íslands, upplýsir í nýrri ævisögu sinni, sem Páll Valsson ritar og koma á út eftir helgi, að hart hafi verið lagt að henni að láta ekki af embætti 1992, ef marka má frásögn fjölmiðla. Vigdís ákvað að verða við þessum óskum þvert gegn eigin sannfæringu. Þetta er mjög áhugavert. Hverjir lögðu hart að Vigdísi? Hver voru helstu rök þeirra? Munu Vigdís og Páll upplýsa þetta? Hlakka til að lesa bókina, enda Páll öflugur höfundur og Vigdís einlæg og góðviljuð.

Allt stefnir í pólitísk stórtíðindi, ef að líkum lætur. 

Knattspyrnuhreyfingin ofsótt af femínískum ofstækiskerlingum

 

Fyrir fjórum árum fór fjármálastjóri Knattspyrnusambands Íslands út að skemmta sér að kvöldlagi. Valdi hann til félagsskapar hispurslausar glæsimeyjar á næturklúbbi í Zürich. Var Bakkus með í för, ásamt fleirum, en formaður KSÍ bar við þreytu og önnum, enda ekki neinn garpur og karlmenni, með hraða blóðrás, sem ráða mátti af viðtali við hann í Kastljósþætti sjónvarpsins fyrir skömmu. Fór hann því snemma í háttinn. Hinir vaskari létu skeika að sköpuðu og skemmtu sér næturlangt af slíkum ákafa að það frussaði á bæði borð, að minnsta kosti kampavínið.

            Nú hefur verið upplýst að óvarlega var farið með greiðslukort fjármálastjórans árið 2005 og sömuleiðis greiðslukort KSÍ, en jafnframt að óviðkomandi aðilar hafi þar átt drjúgan hlut að máli. Hefur fjármálastjórinn í fjögur ár reynt að ná fram rétti sínum fyrir svissneskum dómstólum og loks fengið staðfest að bróðurparturinn af eyðslufé greiðslukortanna á næturklúbbnum stafi af misnotkun óprúttinna manna, sem fóru þjófshöndum um kortin góðu. Er uppgötvaðist um misnotkun vegna greiðslukorts KSÍ greiddi fjármálastjórinn undanbragðalaust það sem útaf stóð (hvort sem það var fyrir hans tilverknað eða þjófa), þannig að knattspyrnuhreyfingin var skaðlaus með öllu.

            En æsast leikar nú ógurlega um það leyti sem nokkru réttlæti var við komið í leiðindamáli. Hin femíníska hreyfing, sem er ekkert annað en hreyfing ofstækiskvenna, sem hata karla og flest það sem þeir taka sér fyrir hendur, finnur megna nálykt af fjármálastjóranum vaska, og telur rétt að láta kné fylgja kviði þar sem hann er fundinn „sekur“ um heimsókn í skelfilegt lastabæli, sem þær kalla ýmist „nektarbúllur,“ „súlustaði,“ eða eitthvað þaðan af verra og kenna gjarnan við mansal og vændi. Sannleikurinn er sá að þær vita ekkert hvað þær eru að tala um, enda ekki tíðir gestir á næturklúbbum heimsins. Eiginlega má segja að fréttin í þessu máli sé hvernig þessi samansúrraða haturshreyfing femínista brást við „ekki fréttinni“ um næturskemmtun fjármálastjórans og hvernig fjölmiðlar gáfu þessum ofstækiskellingum alveg frítt spil til þess að flá manninn lifandi. Nú var bæði feitt og blóðugt á beininu. Tækifæri var til þess að sverta eins og kostur var mannorð góðs drengs, sem bæði á konu og börn, og koma höggi á hreyfingu, sem stjórnað er af körlum. Þetta er kannski hefndargjöfin til KSÍ fyrir að hafa ekki konu í forsvari? Engu skyldi eira, heldur flá manninn lifandi, öðrum væntanlega til viðvörunar. Hvað á ónærgætni af þessu tagi að þýða? Er haturboðskapur af þessu tagi kominn til að vera í íslenskum fjölmiðlum? Af málflutningi talsmanna hinnar femínísku hreyfingar verður ekki önnur ályktun dregin en sú, að í framtíðinni megi karlar búast við froðufellandi ofstækiskellingum flá þá í beinum útsendingum fjölmiðla, fyrir það eitt að hafa ólíkt sjónarhorn á skemmtanagildi mannlífsins. Gagnrýnislaust, með samanbitnar varir og gráfölar í framan af bældri bræði, komast þær upp með að ausa skömmum yfir ágæta menn, vegna þess að þeim þykir þeir liggja vel við höggi. Í þessu samhengi eru fjölmiðlar eins og ódýr portkona, sem femíníska hreyfingin misnotar, og það án endurgjalds! En þeir eru nú svo „faglegir“ fjölmiðlarnir, eins og okkur er sagt.

            Hvassa gagnrýni gæti maður skilið vörðuðu næturklúbbaferðir við lög. En því er nú ekki til að dreifa. Málið snýst aðeins um það að koma óorði á menn og sverta löglega atvinnustarfsemi, aðeins vegna þess að hún er sumum ógeðfelld, auk þess að tortryggja það ágæta starf sem fer fram innan KSÍ, þar sem konur eru að vísu ekki við stjórnvölinn, þótt fullburða ofstækisfemínisti hafi sóst eftir forustu, en ekki hlotið hljómgrunn. Og líkt og í kaupauka, rennur sjálfur menntamálaráðherrann sem slefandi hýena í blóðslóðina, enda hrísla af þessum ofstækisfulla hatursmeiði hinnar femínísku hreyfingar. Hvað skyldi hún vilja fá að vita sem ekki er upplýst nú þegar?

Vofa kommúnismans gengur ljósum logum

Særingarmenn hafa endurreist vofu kommúnismans og stofnað félagsskap um herlegheitin í húsnæði Reykjavíkurakademíunnar ( en voru þeir ekki degi of seinir? Októberbyltingin var 7. nóvember á okkar tímatali). Hún er sjálfsagt hætt að rísa undir nafni sú ágæta akamedía. Alltaf tekst kommúnistum að eyðileggja öll fræði. Og í samræmi við söguna kallast hjörðin hér á landi aðeins "Íslandsdeild Attac". Hvar eru höfuðstöðvar Attac?

Yrðu stofnuð hér á landi samtök um naziska hugmyndafræði, væri þess að vænta að löggan hefði skoðun á því. Eru yfirvöldin áhugalaus um "'Íslandsdeild Attac"?

Attac samtökin stofnuð

Lögreglustjórar fara mikinn

Nú um stundir mæðir mikið á lögreglustjórum landsins og þeirra starfsfólki. Sjálfur ríkislögreglustjórinn brýnir þingmenn til hertrar refsilöggjafar, svo koma megi böndum yfir fjárglæframenn. Fíkniefnalöggur fullyrða að ekki verði komist yfir að stöðva alla þá framleiðslu kannabisefna, sem vitað er um í landinu, vegna manneklu, og stjórnendur Vogs segja okkur að fíklum fjölgi. Skipulögð alþjóðleg glæpastarfsemi hefur skyndilega orðið umfangsmeiri en nokkurn óraði fyrir og svona má lengi telja.

Allt hófst þetta eiginlega á því að ung ógæfukona kom með flugi til landsins og vakti á sér athygli flugliða með dólgslegri háttsemi um borð í flugvélinni. Þetta varð til þess að lögreglu var gert viðvart, eins og reglur gera ráð fyrir. Lögregla var ekki í neinum vafa. Hér væri á ferðinni mansalsmál. Nú hefur þetta meinta mansalsmál heldur betur undið upp á sig.  Fjöldi fólks situr í gæsluvarðhaldi og lögregla telur sig væntanlega vera að vinna grundvallarstarf í baráttu við alþjóðlega glæpastarfsemi. Ég ætla rétt að vona að lögreglan uppskeri í samræmi við sáninguna, svo ekki falli á hana sá grunur að aðgerðagleði hennar nú um stundir verði rakin til þess að fjárlög eru nú til meðferðar á alþingi.

Vonandi verður í framhaldi rannsóknar lögreglu á þessum umfangsmiklu málum gefnar út ákærur og einhverjir sakfelldir með dómi. Ef ekki, er rétt að fólk passi sig á löggunni í september og október ár hvert, þegar fjárlögin eru í meðferð alþingis.

Auk þess legg ég til að Ísland hætti þessu Schengensamstarfi í því skyni að forðast frálsa landgöngu glæpalýðs til landsins.

Farið fram á gæsluvarðhald

Það er hvimleitt svifrykið

Að sönnu er það hvimleitt svifrykið einkum þegar í hlut á fólk sem er viðkvæmt fyrir því. Að vísu hef ég aldrei skilið hvers vegna þeir tiltölulega fáu einstaklingar, sem eru viðkvæmir, skuli velja sér búsetu nærri umferðarþungum götum. Kannski eru vinstrimenn viðkvæmari í öndunarfærunum en annað fólk, því ekki fæ ég betur séð en á mynd með fréttinni skarti hinn vellátni kommúnisti Guðmundur J. Guðmundsson (litli Jaki), sagnfræðingur og kennari sínu fegursta, þótt á bakvið grímu sé. Vonandi þjáist hann ekki af öndunarörðugleikum. Kannski er hann bara með félögum sínum í Vinstri grænum að berjast í þágu píndra og plagaðra af svifryki - að vísu í engri svifrykstíð.

En hvað með það. Menn verða að hafa áhrif á sitt nærumhverfi, ekki satt?

Íbúar mótmæltu svifryksmengun

Ótrúlega geðlaus dómsmálaráðherra

Dómsmálaráðherra, Ragna Árnadóttir, lét það yfir sig ganga að skríll svipti hana málfrelsinu er hún hugðist ávarpa ráðstefnu í H.Í í tilefni af 60 ára afmæli Evrópuráðsins og 50 ára afmæli Mannréttindadómstóls Evrópu í dag. Hún kaus að yfirgefa vettvang og sleppa ávarpinu. Þessi sami skríll truflar líka heimilisfrið ráðherra eftir hentugleikum, en enginn er handtekinn og látinn bera ábyrgð á gerðum sínum.

En ráðherrann var vart búinn að láta svæla sig burt af vettvangi mannréttindaumræðunnar í H.Í. er hún í sjónvarpsfréttum tók upp "málstað" litháískrar götustelpu, sem íslenskir femínistar og lögregluyfirvöld halda að sé fórnarlamb mansals, og taldi að hér væri á ferðinni alvarlegt mál, sem taka þyrfti á. Það er með ólíkindum hvað ráðamenn geta látið hagsmunahópa, opinbera, sem óopinbera, fífla sig þegar fjárlög eru í meðförum alþingis. En látum það liggja á milli hluta nú.

Ég geri ráð fyrir því að sá mannafli lögreglumanna, sem nú snýst í kringum ógæfusama götustelpu frá Litháen, hefði hæglega dugað til þess að tryggja að ráðherra yrði ekki sviptur málfrelsi í H.Í. En ráðherra þarf auðvitað að forgangsraða, eins og aðrir.

Gerðu hróp að ráðherra

Blaðamaður fer fram úr sér

Stundum eru blaðamenn svo ákafir í fréttaflutningi sínum að þeir fara fram úr sér. Það hefur greinilega gerst í frétt mbl.is um jafnaðarmanninn Thilo Sarrazin, sem situr í stjórn þýska Bundesbank. Fréttin segir okkur að Thilo hafi verið ávíttur og leystur undan ýmsum ábyrgðarstörfum fyrir bankann, vegna ummmæla sem hann viðhafði um Araba og Tyrki. Að vísu eru ummæli hans í aðalatriðum rétt, en þau fara fyrir brjóstið á pólitíska rétttrúnaðarliðinu á vinstri kanti stjórnmálanna, og blaðamaðurinn gerir rétttrúnaðarviðhorfin að sínum og flytur sérkennilega frétt um kynþáttahatur. Viðhorf Herr Sarrazin hafa bara ekkert með kynþáttahatur að gera. Pólitískir andstæðingar hans nota hins vegar ummæli hans til þess að koma á hann höggi.

Blaðamanni mbl.is hefur alveg yfirsést að stjórn Bundesbank getur ekki vikið honum, þar sem hann situr þar fyrir tilverknað almannavaldsins, og sá eini sem getur það er forseti Þýskalands, en litlar líkur eru á því að hann hlaupi eftir kröfum rétttrúnaðarlýðsins.

Skyldi Davíð vita af þessu?

Bankamaður ávíttur fyrir kynþáttahatur

Ríkisstjórnin verður að víkja!!

Nályktina leggur af ríkisstjórninni langar leiðir og finna fleiri en Ögmundur óþefinn. Það er fjarri því eitthvert pólitískt áfall fyrir landið, þótt stjórnarmeirihlutinn haldi ekki, eins og þingflokksformaður Sf heldur. Þvert á móti yrði það pólitískt áfall fyrir landið ef almenningur þarf að sitja uppi með verklitla ríkisstjórn, sem ekki hefur þingstyrk til að taka á þeim málum sem taka þarf á.

Nú bíður maður bara eftir því að fleiri þingmenn í stjórnarliðinu fari að marka sér privat pólitíska vígstöðu, því óðum styttist í kosningar.

Stjórnin stendur áfram

Ögmundur býr sér til vígstöðu

Ögmundi Jónassyni, heilbrigðisráðherra er orðið ljóst að ríkisstjórnin lifir ekki af Icesave-málið. Hann vill koma sér út úr ríkisstjórninni, þar sem hann vill ekki taka ábyrgð á óvinsælum, en óhjákvæmilegum niðurskurði á öllum sviðum opinbera kerfisins, og alls ekki axla ábyrgð á því oki sem Icesave-kúgunin mun leggja á herðar íslenskri þjóð. Er þá nokkuð annað eftir en að restin af ríkisstjórninni segi af sér og boðað verði strax til kosninga, AGS sendur heim til sín, þar sem hann er bara handrukkari fyrir Breta og Hollendinga, og draga til baka umsókn um aðild að ESB.

Getur það nokkuð orðið verra? Þetta er ótrúlega geðlaus ríkisstjórn, sem lætur bæði svokallaðar vinaþjóðir á Norðurlöndum, Breta og ESB, tukta sig til eins og ómálga barn, og kúga stjórnmálamenn til að samþykkja gerninga sem engir heilvita menn myndu láta yfir sig ganga gagnvart þjóð sinni. Þetta er óþolandi framkoma gagnvart smáþjóð, sem telur vart fleiri en 160.000 vinnandi sálir, og annað eins af börnum og gamalmennum.

Ögmundur segir af sér

Loksins, loksins!!

Það voru gleðitíðindi að lesa að eigendur og útgefendur Morgunblaðsins skuli loksins hafa ákveðið að taka blaðið úr höndum vinstrimanna og endurreisa það sem málgang borgaralegs lýðræðis. Í alltof mörg ár hafði Morgunblaðið hrakist undan vindi slakrar ritstjórnar og uppgjafar gagnvart vinstrimönnum, sem voru farnir að setja svo sterkan svip á blaðið og efnistök og efnisval, að furðu sætti. 

Auðvitað var ekki við öðru að búast en að vinstrisinnaðir fjölmiðlamenn og aðrir úr þeim ranni, myndu reka upp vein, og bera eigendum blaðsins á brín ófagleg vinnubrögð (vinstrimenn halda að þeir séu öðrum mönnum faglegri) og þrönga sérhagsmunagæslu. En það er fjarri öllu lagi. 

Nú verður Mogginn fyrst faglegur!!

Davíð og Haraldur ritstjórar